મુંબઈ : આવતીકાલે શુક્રવારના રોજ બેંક સંબંધિત કોઈ મહત્વનું કામ પતાવવાનું આયોજન કરી રહ્યા છો, તો આ સમાચાર તમારા માટે અત્યંત મહત્વના છે. આવતીકાલે 1 મે, 2026 ના રોજ વિવિધ પર્વો અને સ્થાપના દિવસોના કારણે દેશના અનેક રાજ્યોમાં બેંકિંગ અને નાણાકીય બજારોમાં કામકાજ બંધ રહેશે.

શુક્રવાર, 1 મે, 2026 ના રોજ બુદ્ધ પૂર્ણિમા, શ્રમિક દિવસ ,ગુજરાત સ્થાપના દિવસ અને મહારાષ્ટ્ર દિવસ એમ અનેક પ્રસંગોની યુતિ હોવાથી દેશના અનેક રાજ્યોમાં સરકારી અને ખાનગી બેંકોમાં રજા રહેશે. આ સંજોગોમાં બેંકની શાખાઓમાં કોઈ કામકાજ થશે નહીં. જોકે, ગ્રાહકોની સુવિધા માટે UPI, મોબાઈલ બેંકિંગ, નેટ બેંકિંગ અને ATM જેવી ઓનલાઈન સેવાઓ અવિરત કાર્યરત રહેશે.

બેંકોની સાથે સાથે દેશના બંને મુખ્ય સ્ટોક એક્સચેન્જ, નેશનલ સ્ટોક એક્સચેન્જ (NSE) અને બોમ્બે સ્ટોક એક્સચેન્જ (BSE) માં પણ આવતીકાલે કોઈ ટ્રેડિંગ થશે નહીં.

• ઈક્વિટી માર્કેટ: આખો દિવસ બંધ રહેશે.
• ડેરિવેટિવ્ઝ (F&O): કોઈ પણ પ્રકારનું ટ્રેડિંગ થશે નહીં.
• કરન્સી માર્કેટ: વિદેશી મુદ્રા બજારમાં પણ રજા રહેશે.
• અન્ય સેગમેન્ટ્સ: SLB અને EGR જેવા સેગમેન્ટ્સમાં પણ કામકાજ સ્થગિત રહેશે.

કોમોડિટી બજારમાં પણ રજાની અસર જોવા મળશે. 1 મેના રોજ સવારના સેશન દરમિયાન MCX (મલ્ટી કોમોડિટી એક્સચેન્જ) બંધ રહેશે. જોકે, સાંજના સેશન અંગેનો નિર્ણય એક્સચેન્જ દ્વારા અપડેટ કરવામાં આવશે. બીજી તરફ, NCDEX આખો દિવસ ટ્રેડિંગ માટે બંધ રહેશે.

• 28 May, 2026: બકરી ઈદ (ઈદ-ઉલ-અધા)
• 26 June, 2026: મોહરમ
• 14 September, 2026: ગણેશ ચતુર્થી
• 2 October, 2026: મહાત્મા ગાંધી જયંતી
• 20 October, 2026: દશેરા
• 10 November, 2026: દિવાળી (બલિપ્રતિપદા)
• 24 November, 2026: ગુરુ નાનક જયંતી
• 25 December, 2026: નાતાલ