તા. ૧૨ નવેમ્બર ર૦ર૬ વિક્રમ સંવત ર૦૮૩ કારતક સુદ – ૩ ગુરૂવાર
માર માર્યો, માથું-દાઢી મુંડાવી પછી ઝાડ સાથે બાંધી પેશાબ પીવડાવ્યો
અલીગઢમાં યુવક સાથે હેવાનિયત અમાનવીય વર્તન : પરિણીત મહિલા સાથે સંબંધની શંકામાં યુવકને માર મારવા, માથા અને દાઢીના કેટલાક ભાગ મુંડાવવા, ઝાડ સાથે બાંધી જબરદસ્તી પેશાબ પીવડાવવાનો આરોપ
અલીગઢ તા.૨૮: અલીગઢના અકરાબાદ પોલીસ સ્ટેશન વિસ્તારમાં એક યુવક સાથે કથિત રીતે અમાનવીય વર્તનનો મામલો સામે આવ્યો છે. આરોપ છે કે પરિણીત મહિલા સાથે સંબંધ હોવાની શંકામાં તેને માર મારવામાં આવ્યો, તેના માથા અને દાઢીના કેટલાક ભાગ મુંડાવી દેવામાં આવ્યા, ઝાડ સાથે બાંધી દેવામાં આવ્યો અને જબરદસ્તી પેશાબ પીવડાવવામાં આવ્યો. ઘટનાનો વીડિયો સોશિયલ મીડિયા પર વાયરલ થયા બાદ પોલીસે ૩ મહિલાઓ સહિત ૭ લોકો સામે કેસ નોંધ્યો છે.
અલીગઢ પોલીસે રવિવારે જણાવ્યું કે ૩ મહિલાઓ સહિત ૭ લોકો સામે એક વ્યક્તિ સાથે મારપીટ કરવા, તેના માથા અને દાઢીના કેટલાક ભાગ મુંડાવવા, તેને ઝાડ સાથે બાંધી દેવા અને જબરદસ્તી પેશાબ પીવડાવવાના આરોપમાં કેસ નોંધવામાં આવ્યો છે. એક એજન્સી અનુસાર, આ ઘટના ગુરુવારે અલીગઢથી લગભગ ૪૦ કિલોમીટર દૂર અકરાબાદ પોલીસ સ્ટેશન વિસ્તારના એક ગામમાં બની હતી, પરંતુ શુક્રવારે મારપીટનો વીડિયો સોશિયલ મીડિયા પર વાયરલ થયા બાદ મામલો સામે આવ્યો હતો. ત્યારબાદ પીડિતે પોલીસ સ્ટેશનમાં ફરિયાદ નોંધાવી હતી.
પોલીસના જણાવ્યા અનુસાર, પીડિત અવિવાહિત વ્યક્તિ છે અને કથિત રીતે તેની બહેનના સાસરિયાં પક્ષની એક પરિણીત મહિલા સાથે સંબંધમાં હતો. આ સંબંધની જાણ થતાં કેટલાક લોકોએ તેને માર માર્યો હતો. પોલીસે જણાવ્યું કે ત્યારબાદ યુવકના માથા અને દાઢીના કેટલાક ભાગ મુંડાવી દેવામાં આવ્યા, તેને ઝાડ સાથે બાંધી દેવામાં આવ્યો અને જબરદસ્તી પેશાબ પીવડાવવામાં આવ્યો હતો.
શનિવારે પોલીસના એક નિવેદનમાં કહેવામાં આવ્યું કે મારપીટની ઘટનામાં પીડિતની બહેનના સાસરિયાં પક્ષના ૭ લોકો અને કેટલાક અજાણ્યા લોકો કથિત રીતે સામેલ હતા. નિવેદનમાં કહેવામાં આવ્યું છે કે તેઓ ફરાર છે અને તેમને શોધવાના પ્રયાસો કરવામાં આવી રહ્યા છે. મારપીટ અને અમાનવીય વર્તન માટે કેસ નોંધવામાં આવ્યો છે, જ્યારે વધુ તપાસ અને અન્ય લોકોની ઓળખ કરવાની પ્રક્રિયા ચાલી રહી છે. પોલીસનું કહેવું છે કે આરોપીઓ સામે કડક કાર્યવાહી કરવામાં આવશે
(9:48 AM IST)
છેલ્લા 8 દિવસમાં સૌથી લોકપ્રિય 
