લંડન: બ્રિટનના પૂર્વ વડાપ્રધાન કીર સ્ટાર્મરે હવે સંસદસભ્ય પદ પણ છોડવાની જાહેરાત કરતાં બ્રિટિશ રાજકારણમાં મોટો વળાંક આવ્યો છે. વડાપ્રધાન પદ છોડ્યા બાદ તેમણે લંડનની હોલબોર્ન અને સેન્ટ પેન્ક્રાસ બેઠક પરથી રાજીનામું આપવાનો નિર્ણય કર્યો છે.

આ નિર્ણયને કારણે હવે તેમની બેઠક પર ઉપચૂંટણી યોજાવાનો માર્ગ ખુલ્યો છે. સ્ટાર્મરે જણાવ્યું છે કે તેઓ હવે આંતરરાષ્ટ્રીય બાબતો અને જાહેર જીવનના અન્ય ક્ષેત્રોમાં વધુ ધ્યાન કેન્દ્રિત કરવા ઇચ્છે છે.

માનવ અધિકારના વકીલ અને સરકારી અભિયોજન વિભાગના ભૂતપૂર્વ વડા રહેલા સ્ટાર્મરે વર્ષ ૨૦૨૪માં લેબર પાર્ટીને મોટી ચૂંટણી જીત અપાવી હતી. જોકે ત્યારબાદ સરકારની લોકપ્રિયતામાં ઘટાડો અને પક્ષની આંતરિક રાજકીય ઉથલપાથલ વચ્ચે તેમણે વડાપ્રધાન પદ છોડ્યું હતું.

હવે તેમની સંસદીય બેઠક પર યોજાનારી ઉપચૂંટણી નવી સરકાર માટે પણ મહત્વની રાજકીય કસોટી બનશે. ઉપચૂંટણીની તારીખ હજુ જાહેર કરવામાં આવી નથી