કોલકાતા : બંગાળી ફિલ્મ જગત માટે બુધવારનો દિવસ અત્યંત દુખદ સાબિત થયો છે. પ્રતિભાશાળી અને વિઝનરી ફિલ્મમેકર અનિક દત્તાનું અચાનક નિધન થતા સમગ્ર સિનેમા જગત સ્તબ્ધ થઈ ગયું છે. પોલીસના જણાવ્યા અનુસાર, બુધવારે સવારે સાઉથ કોલકાતામાં આવેલા તેમના મલ્ટી-સ્ટોરી નિવાસસ્થાનની છત પરથી નીચે પછડાતા તેઓ ગંભીર રીતે ઘાયલ થયા હતા. અકસ્માતની જાણ થતા જ તેમને તાત્કાલિક હોસ્પિટલ ખસેડવામાં આવ્યા હતા, પરંતુ ત્યાં ફરજ પરના તબીબોએ તેમને મૃત જાહેર કર્યા હતા. તેમની આ આકસ્મિક વિદાયથી ચાહકો અને કલાકારોમાં ઘેરો શોક વ્યાપી ગયો છે.
અનિક દત્તા તેમની અનોખી કલાત્મક દ્રષ્ટિ અને વાર્તા કહેવાની ધારદાર શૈલી માટે જાણીતા હતા. તેમણે બંગાળી સિનેમામાં અનેક એવા પ્રયોગો કર્યા હતા, જેણે પ્રેક્ષકો અને વિવેચકો બંનેના દિલ જીત્યા હતા. તેમની ફિલ્મોમાં સમાજ અને માનવીય સંવેદનાઓનું જે પ્રતિબિંબ જોવા મળતું હતું, તે તેમને અન્ય ફિલ્મકારોથી અલગ પાડતું હતું. હાલ આ મામલામાં પોલીસે તપાસ તેજ કરી છે, પરંતુ પરિવાર અને મિત્ર વર્તુળમાં આ ઘટનાને લઈને ઊંડો આઘાત જોવા મળી રહ્યો છે.