યુનાઈટેડ કિંગડમ મેરીટાઈમ ટ્રેડ ઓપરેશન્સને કતારના દોહાથી ૨૩ નોટિકલ માઈલ દૂર એક માલવાહક જહાજ પર હુમલો થયાના અહેવાલ મળ્યા છે.
રાતોરાત પર્શિયન અખાતમાં દરિયાઈ સુરક્ષા જોખમાઈ હોવાની ઘટના સામે આવી છે. યુનાઈટેડ કિંગડમ મેરીટાઈમ ટ્રેડ ઓપરેશન્સ સેન્ટરને મળેલી માહિતી મુજબ, કતારના પાટનગર દોહાથી ઉત્તર-પૂર્વ દિશામાં ૨૩ નોટિકલ માઈલના અંતરે પસાર થઈ રહેલા એક મોટા માલવાહક જહાજ પર અજાણ્યા હથિયારથી હુમલો કરવામાં આવ્યો છે. જહાજના કેપ્ટને હુમલાની પુષ્ટિ કરતા જણાવ્યું હતું કે કોઈ અજાણ્યા પ્રોજેક્ટાઈલ દ્વારા જહાજને નિશાન બનાવવામાં આવ્યું હતું, જેના કારણે જહાજમાં નાની આગ ફાટી નીકળી હતી. જોકે, ક્રૂ મેમ્બર્સ દ્વારા આ આગ પર તાત્કાલિક કાબૂ મેળવી લેવામાં આવ્યો હતો. આ ઘટનામાં કોઈ જાનહાનિ કે ઈજા થઈ નથી અને પર્યાવરણને પણ કોઈ નુકસાન પહોંચ્યું નથી. સત્તાવાળાઓ હાલ આ હુમલાની તપાસ કરી રહ્યા છે અને અન્ય જહાજોને આ વિસ્તારમાંથી સાવચેતીપૂર્વક પસાર થવાની સલાહ આપવામાં આવી છે.