બહુચર્ચિત  ઉમેશ પાલ હત્યા કેસના આરોપી અને 5 લાખ રૂપિયાનું ઈનામ ધરાવતો અરમાન બિહારીને સોમવારે પ્રયાગરાજની સ્પેશિયલ એસસી-એસટી કોર્ટમાં રજૂ કરવામાં આવ્યો. કડક સુરક્ષા વચ્ચે અરમાનને ગયા સેન્ટ્રલ જેલમાંથી પ્રયાગરાજ લાવવામાં આવ્યો. સ્પેશિયલ જજ એસસી-એસટી કુમાર મયંકની કોર્ટે આરોપીના ટ્રાન્ઝિટ રિમાન્ડ મંજૂર કર્યા. સુનાવણી દરમિયાન, કોર્ટે અરમાનને તેની સામેના આરોપો સંબંધિત દસ્તાવેજોની નકલો પણ આપી.