ચારધામ યાત્રાઃ ૨૨. ૭૫ લાખ શ્રદ્ધાળુઓએ દર્શન કર્યા
ઉત્તરાખંડમાં ચારધામ યાત્રાએ રેકોર્ડ તોડ્યો : જ્યારે ૬,૧૩,૦૦૦ ભક્તો બદ્રીનાથ ધામ પહોંચ્યા છે. જ્યારે યમુનોત્રીમાં ૩,૮૭,૦૦૦ અને ગંગોત્રી ધામમાં ૩,૮૫,૦૦૦ શ્રદ્ધાળુઓએ દર્શન કર્યા
દહેરાદૂન તા.૨૯: ઉત્તરાખંડમાં ભારે ઉત્સાહ સાથે ચાર ધામ યાત્રા ચાલી રહી છે. જોકે, આ વખતે ચારધામ યાત્રા રેકોર્ડ તોડી રહી છે. જેમાં અત્યાર સુધી કુલ ૨૨. ૭૫ લાખ શ્રદ્ધાળુઓએ દર્શન કર્યા છે. જેમાં ૮,૭૫,૦૦૦ લોકોએ કેદારનાથ ધામની મુલાકાત લીધી છે. જ્યારે ૬,૧૩,૦૦૦ ભક્તો બદ્રીનાથ ધામ પહોંચ્યા છે. જ્યારે યમુનોત્રીમાં ૩,૮૭,૦૦૦ અને ગંગોત્રી ધામમાં ૩,૮૫,૦૦૦ શ્રદ્ધાળુઓએ દર્શન કર્યા છે.
જ્યારે રાજ્યના અન્ય એક ધાર્મિક સ્થળ હેમકુંડ સાહિબમાં શ્રદ્ધાળુઓની સંખ્યા પણ ૧૨,૦૦૦ ને વટાવી ગઈ છે. જોકે, સરકાર અને વહીવટીતંત્ર મુસાફરો માટે વ્યવસ્થા કરવામાં સક્રિય છે. જૂન મહિના દરમિયાન શ્રદ્ધાળુઓની સંખ્યામાં વધારો થવાની ધારણા છે.
જોકે, શ્રદ્ધાળુઓની વધતી સંખ્યાની સાથે, સ્વાસ્થ્ય સંબંધિત સમસ્યાઓ પણ ઉભરી રહી છે - એવી સમસ્યાઓ જે ઘણા કિસ્સાઓમાં જીવલેણ સાબિત થઈ રહી છે. ચાર ધામ યાત્રા દરમિયાન, કેદારનાથ ધામમાં સૌથી વધુ મૃત્યુ નોંધાયા છે. જ્યાં અત્યાર સુધીમાં ૫૦, બદ્રીનાથ ધામમાં ૩૦ , યમુનોત્રીમાં ૧૫ અને ગંગોત્રી ધામમાં ૧૦ શ્રદ્ધાળુઓના મોત થયા છે. નિષ્ણાતોના મતે, કેદારનાથ અને યમુનોત્રીની યાત્રાને સૌથી મુશ્કેલ માનવામાં આવે છે, જેમાં ઢાળવાળા ચઢાવ અને ઊંચાઈનો સમાવેશ થાય છે. અત્યાર સુધી કુલ ૧૦૫ શ્રદ્ધાળુઓના મોત થયા છે.
આ ઉપરાંત ચાર ધામ સમુદ્ર સપાટીથી આશરે ૩૦૦૦ મીટરથી વધુ ઊંચાઈ પર સ્થિત છે. ઉચ્ચ હિમાલય ક્ષેત્રમાં સ્થિત હોવાથી અહીંનું હવામાન અત્યંત કઠોર અને અણધાર્યું છે. તેમજ ઓક્સિજનનું સ્તર ઓછું છે. જેમાં તાપમાન અચાનક ઘટી શકે છે અને ગમે ત્યારે વરસાદ અથવા હિમવર્ષા થઈ શકે છે
(10:23 AM IST)
છેલ્લા 8 દિવસમાં સૌથી લોકપ્રિય 
