News of Friday, 20th November 2026
મુખ્યમંત્રી યોગીના માતા સાવિત્રી દેવીનું ૯૧ વર્ષની વયે નિધન
ઋષિકેશના સંપૂર્ણાનંદ ઘાટ ખાતે દિગ્ગજોની હાજરીમાં થશે અંતિમ સંસ્કાર : ઉત્તરાખંડના પૌરી ગઢવાલ સ્થિત પૈતળક ગામ પંચુરમાં અંતિમ શ્વાસ લીધા

લખનૌ, તા.૨૦: ઉત્તર પ્રદેશના મુખ્યમંત્રી યોગી આદિત્યનાથના માતા સાવિત્રી દેવીનું ૯૧ વર્ષની જૈફ વયે ઉત્તરાખંડના પૌરી ગઢવાલ જિલ્લા સ્થિત તેમના પૈતળક ગામ પંચુર ખાતે નિધન થયું છે. પૌરીના એસએસપી સર્વેશ કુમારે તેમના અવસાનની સત્તાવાર પુષ્ટિ કરી છે. આ દુઃખદ સમાચાર મળ્યા ત્યારે મુખ્યમંત્રી યોગી આદિત્યનાથ તેમના ગળહ મતવિસ્તાર ગોરખપુરમાં એક જાહેર સભાને સંબોધિત કરી રહ્યા હતા; સભા પૂર્ણ થતાની સાથે જ તેમના સલાહકાર અવનીશ અવસ્થીએ તેમને માતાના નિધનની જાણ કરી હતી. સાવિત્રી દેવીના પરિવારમાં સીએમ યોગી ઉપરાંત તેમના ત્રણ ભાઈઓ માનેન્દ્ર સિંહ, મહેન્દ્ર સિંહ, શૈલેન્દ્ર મોહન અને ત્રણ બહેનો પુષ્પા દેવી, કૌશલ્યા તથા શશી દેવીનો સમાવેશ થાય છે, જ્યારે તેમના પતિ આનંદ સિંહ બિષ્ટનું એપ્રિલ ૨૦૨૦માં ૮૯ વર્ષની વયે નિધન થયું હતું.
મૂળ અજય સિંહ બિષ્ટ તરીકે ઓળખાતા યોગી આદિત્યનાથે ૧૯૯૪માં સાંસારિક જીવનનો ત્યાગ કરીને સંન્યાસ લીધો હતો અને ગોરક્ષપીઠમાં જોડાયા હતા, તેમ છતાં માતા પ્રત્યેનો તેમનો અતૂટ તોહ હંમેશા અકબંધ રહ્યો હતો. મુખ્યમંત્રી બન્યા બાદ મે ૨૦૨૨માં તેઓ ૨૮ વર્ષ પછી પોતાના ગામ પંચુર જઈને માતાને મળ્યા હતા, ત્યારબાદ જૂન ૨૦૨૪માં ઋષિકેશ AIIMSમાં તેમની ખબર અંતર પૂછવા ગયા હતા અને આ વર્ષે મે ૨૦૨૬માં પણ પંચુર ખાતે શ્રી વિષ્ણુ મહાયજ્ઞ દરમિયાન માતા સાવિત્રી દેવીના આશીર્વાદ લીધા હતા. ઉત્તરાખંડના મુખ્યમંત્રી પુષ્કર સિંહ ધામીએ આ ઘટનાને પરિવાર માટે અપૂર્ણ નુકસાન ગણાવી ઊંડો શોક વ્યક્ત કર્યો છે, જ્યારે દેશભરના રાજકીય અને ધાર્મિક અગ્રણીઓ દ્વારા શોક સંદેશા પાઠવવામાં આવી રહ્યા છે.
મળતી માહિતી મુજબ, મુખ્યમંત્રી યોગી આદિત્યનાથ ગોરખપુરથી સીધા જ પોતાના પૈતળક ગામ પંચુર જવા રવાના થઈ રહ્યા છે, જ્યાં તેઓ માતાના અંતિમ દર્શન કરી શ્રદ્ધાંજલિ અર્પણ કરશે. સાવિત્રી દેવીની અંતિમ યાત્રા અને અંતિમ સંસ્કાર આવતીકાલે શનિવારે ઋષિકેશના પવિત્ર સંપૂર્ણાનંદ ઘાટ ખાતે સંપૂર્ણ ધાર્મિક વિધિ-વિધાન સાથે કરવામાં આવશે. આ અંતિમ સંસ્કારમાં ઉત્તરાખંડના મુખ્યમંત્રી પુષ્કર સિંહ ધામી, ઉત્તર પ્રદેશ સરકારના અનેક કેબિનેટ મંત્રીઓ તેમજ બંને રાજ્યોના ઉચ્ચ વહીવટી અધિકારીઓ અને પરિવારજનો ઉપસ્થિત રહીને દિવંગત આત્માને અંતિમ વિદાય આપશે.
(3:38 PM IST)









છેલ્લા 8 દિવસમાં સૌથી લોકપ્રિય 
