નવી દિલ્હી તા.૯: નેશનલ ક્રાઈમ રેકોર્ડ્સ બ્યુરો (NCRB) ના ડેટા અનુસાર, ૨૦૨૪ માં ભારતમાં બાળકો સામેના દર દસ સાયબર ક્રાઈમમાંથી લગભગ નવમાં બાળ પોર્નોગ્રાફી મોકલવાનો સમાવેશ થતો હતો. ફઘ્ય્ગ્ ના તાજેતરના ડેટા દર્શાવે છે કે દેશભરમાં એકંદર ગુનામાં ઘટાડો થયો હોવા છતાં, બાળકો સામેના ગુનાઓ વધી રહ્યા છે.

NCRB દ્વારા જાહેર કરાયેલા આંકડા મુજબ, ૨૦૨૪ માં સમગ્ર ભારતમાં બાળકો વિરુદ્ધના ગુનાઓના કુલ ૧૮૭,૭૦૨ કેસ નોંધાયા હતા, જે ૨૦૨૩ માં ૧૭૭,૩૩૫ કેસોથી ૫.૮ ટકાનો વધારો દર્શાવે છે. તેનાથી વિપરીત, ભારતમાં એકંદર ગુનામાં છેલ્લા ચાર વર્ષોમાં આશરે ૧૦.૮ ટકાનો ઘટાડો થયો છે, જે ૨૦૨૦ માં ૬.૬૦૧ મિલિયન કેસ હતા જે ૨૦૨૪ માં ૫.૮૮૬ મિલિયન કેસ થયા છે.

આ સમયગાળા દરમિયાન, બાળકો વિરુદ્ધના ગુનાઓ ૨૦૨૦ માં ૧૨૮,૫૩૧ કેસોથી વધીને ૨૦૨૪ માં ૧૮૭,૭૦૨ કેસ થયા છે, જે ૪૬ ટકાથી વધુનો ચિંતાજનક વધારો દર્શાવે છે. ચાઇલ્ડ રાઇટ્સ એન્ડ યુ (CRY) દ્વારા તાજેતરના NCRB ડેટાનું વિશ્લેષણ દર્શાવે છે કે ૨૦૨૪ માં માહિતી ટેકનોલોજી કાયદા હેઠળ બાળકો વિરુદ્ધ સાયબર ગુનાના ૧,૨૩૮ કેસ નોંધાયા હતા, જે બાળકો વિરુદ્ધના તમામ ગુનાઓના આશરે ૦.૭ ટકા છે.

આમાંથી, ૧,૦૯૯ કેસોમાં બાળકોને અશ્લીલ રીતે દર્શાવતી સામગ્રી પ્રકાશિત અથવા પ્રસારિત કરવામાં આવી હતી, જ્યારે અન્ય તમામ શ્રેણીઓ માટે કુલ કેસોની સંખ્યા ફકત ૧૩૯ હતી. રાજ્યવાર NCRB ડેટાના CRY ના વિશ્લેષણ મુજબ, છત્તીસગઢમાં બાળકો સામે સાયબર ક્રાઇમના સૌથી વધુ ૨૬૮ કેસ નોંધાયા હતા.

આ પછી રાજસ્થાન (૧૭૪), દિલ્હી (૧૫૧), ઉત્તર પ્રદેશ (૧૩૭) અને કેરળ (૯૨)નો ક્રમ આવે છે. દેશમાં નોંધાયેલા આવા તમામ કેસોમાં આ પાંચ રાજ્યોનો હિસ્સો ૬૬.૪ ટકા છે. ઘ્ય્ળ્ ના પ્રોગ્રામ ડિરેકટર સોહા મોઇત્રાએ જણાવ્યું હતું કે, NCRB દ્વારા જાહેર કરાયેલા તાજેતરના સાયબર ક્રાઇમ ટ્રેન્ડ્સ ફરી એકવાર દર્શાવે છે કે ઓનલાઈન સ્પેસમાં બાળકોની સલામતી શા માટે રાષ્ટ્રીય પ્રાથમિકતા રહેવી જોઈએ.