નવી દિલ્‍હીઃ અમેરિકી અંતરિક્ષ એજન્‍સી ‘નાસા' ના સેટેલાઇટ ડેટા દ્વારા વૈશ્વિક હવામાનને લઈને એક અત્‍યંત ચિંતાજનક અને મોટી ચેતવણી જાહેર કરવામાં આવી છે. નાસાના સેન્‍ટિનલ-૬ માઈકલ ફ્રેલિચ સેટેલાઈટે નોંધ્‍યું છે કે, પ્રશાંત મહાસાગરમાં ભૂમધ્‍ય રેખા નજીક સમુદ્રની સપાટી સામાન્‍ય કરતાં ઘણી ઊંચી થઈ ગઈ છે. આ બાબત સ્‍પષ્ટ સંકેત આપે છે કે સમુદ્રની નીચે મોટા પ્રમાણમાં ગરમ પાણી જમા થઈ રહ્યું છે, જે એક અત્‍યંત શક્‍તિશાળી અને વિનાશક ‘અલ નીનો'  સક્રિય થવાનું કારણ બની રહ્યું છે. આ આબોહવા પરિવર્તનની સીધી અને માઠી અસર ભારતના ચોમાસા તેમજ અર્થતંત્ર પર પડી શકે છે.

વૈજ્ઞાનિકોના જણાવ્‍યા અનુસાર, હાલમાં પશ્‍ચિમ પ્રશાંત મહાસાગરમાં જે -કારની સ્‍થિતિ સર્જાઈ રહી છે તે વર્ષ ૧૯૯૭ માં આવેલા ભયાનક અલ નીનો જેવી જ છે, જેને ઇતિહાસમાં ‘ગોડઝિલા અલ નીનો' (નાસા) નામ આપવામાં આવ્‍યું હતું. નાસાએ તાજેતરમાં ૮ જૂનની સ્‍થિતિ દર્શાવતો એક સેટેલાઇટ નકશો જાહેર કર્યો છે, જેમાં લાલ રંગ દરિયાની સપાટીમાં થઈ રહેલો જોખમી અને અસામાન્‍ય વધારો દર્શાવે છે.

વિશ્વના મોટા હવામાન સંગઠનોનું માનવું છે કે, આ આબોહવા પરિવર્તન છેલ્લા ૧૫૦ વર્ષમાં સૌથી મજબૂત અને પ્રભાવશાળી હોઈ શકે છે. આના કારણે વૈશ્વિક તાપમાનમાં રેકોર્ડબ્રેક વધારો થશે અને વરસાદની સંપૂર્ણ પેટર્ન બદલાઈ જશે. જો આ શક્‍તિશાળી અલ નીનોને કારણે ભારતનું ચોમાસું નબળું પડશે અથવા દુષ્‍કાળ જેવી સ્‍થિતિ સર્જાશે, તો દેશના કળષિ ક્ષેત્રને મોટો ફટકો પડશે.  પરિણામે ભારતની આશરે ૪ ટ્રિલિયન ડોલરની  ઝડપથી વધતી અર્થવ્‍યવસ્‍થા પર તેની ગંભીર અને નકારાત્‍મક અસરો જોવા મળી શકે છે, જે મોંઘવારીમાં પણ વધારો કરી શકે છે.