તા. ૧૨ નવેમ્બર ર૦ર૬ વિક્રમ સંવત ર૦૮૩ કારતક સુદ – ૩ ગુરૂવાર
કરૂણાપૂર્વક નિમણૂંક અરજી-ર૦૦૩ પહેલા દાખલ થઇ હશે તેને જુની પેન્શન યોજનાનો લાભ મળશે
પેન્શન અને પેન્શનર્સ કલ્યાણ વિભાગનો અનુકંપાભરી ભરતી થયેલ કર્મીઓને ફાયદો આપતો નિર્ણય
નવી દિલ્હી, તા. ર૪ : કર્મચારી અને પેન્શન મંત્રાલય હેઠળના પેન્શન અને પેન્શનર્સ કલ્યાણ વિભાગ (DoPPW)એ ૨૨ જૂન ના રોજ એક આદેશ જાહેર કર્યો હતો. આ આદેશ અનુસાર, જે કર્મચારીઓને અનુકંપાભરી નિમણૂક મળી છે અને જેમની અરજી ૩૧ ડિસેમ્બર, ૨૦૦૩ના રોજ અથવા તે પહેલાં સબમિટ કરવામાં આવી હતી, તેઓને જૂની પેન્શન યોજના હેઠળ સામેલ કરી શકાય છે, પછી ભલે તેઓ જાન્યુઆરી ૨૦૦૪ પછી નિમણૂક થયા હોય.
નોંધનીય છે કે કેન્દ્ર સરકારે ૧ જાન્યુઆરી, ૨૦૦૪થી નવી પેન્શન સિસ્ટમ (NPS) લાગુ કરી હતી. આ પછી નિમાયેલા કર્મચારીઓને બ્ભ્લ્નો લાભ મળ્યો ન હતો. પરંતુ ઘણા કિસ્સાઓમાં કરુણાપૂર્ણ નિમણૂક માટેની અરજીઓ ૨૦૦૩ પહેલા સબમિટ કરવામાં આવી હતી, જ્યારે વહીવટી કાર્યવાહીમાં વિલંબને કારણે નિમણૂકો પાછળથી થઈ હતી. આવા કર્મચારીઓને ઓપીએસનો લાભ મળશે કે કેમ તે અંગે લાંબા સમયથી મૂંઝવણ હતી.
સરકારના નવા આદેશ મુજબ હવે નિમણૂકની તારીખને બદલે અરજીની તારીખને આધાર ગણવામાં આવશે.
આનો અર્થ એ થયો કે જો કોઈ પરિવારે ૩૧ ડિસેમ્બર, ૨૦૦૩ સુધીમાં કરુણાપૂર્ણ નિમણૂક માટે અરજી કરી હતી અને તે સમયે તે પાત્ર હતું, તો તેને જૂની પેન્શન યોજનાનો લાભ મળી શકે છે.
આ નિર્ણયથી હજારો કર્મચારીઓ અને તેમના પરિવારોને રાહત મળી છે.
સહાનુભૂતિપૂર્ણ નિમણૂક એવા પરિવારોને આપવામાં આવે છે જેમના પરિવારના સભ્યનું મળત્યુ સેવામાં હોય અથવા તબીબી કારણોસર નિવળત્ત થાય છે.
આવા પરિવારોને આર્થિક સંકટમાંથી બચાવવા માટે સરકાર આ સુવિધા આપે છે.
આ નિર્ણયને ઓલ ઈન્ડિયા એનપીએસ એમ્પ્લોઈઝ ફેડરેશન (એઆઈએન પીએસઈએફ) સહિત અનેક કર્મચારી સંગઠનોએ આવકાર્યો છે. સંગઠનના રાષ્ટ્રીય અધ્યક્ષ ડો.મનજીતસિંહ પટેલે કર્મચારીઓની વર્ષો જૂની માંગણીની પરિપૂર્ણતા ગણાવી હતી. જો કે, તેમણે સરકાર પાસે તમામ કર્મચારીઓ માટે જૂની પેન્શન યોજના ફરી લાગુ કરવાની અને નિવળત્તિ પછી ખાતરીપૂર્વક પેન્શન આપવાની માંગનો પુનરોચ્ચાર પણ કર્યો છે.
(3:38 PM IST)
છેલ્લા 8 દિવસમાં સૌથી લોકપ્રિય 
