છેલ્લા 8 દિવસમાં સૌથી લોકપ્રિય હેં...વારાણસીમાં ભાજપનો પરાજય 9:51 AM
સહમતીથી બનેલા ‘‘સંબંધો'' બ્રેક અપ બાદ રેપ નથી
સુપ્રીમ કોર્ટે એક એવા કેસમાં એક પુરુષને નિર્દોષ જાહેર કર્યો હતો જ્યાં લગ્નનું વચન આપીને સંબંધ સ્થાપિત કરવામાં આવ્યો હતો
નવી દિલ્હી તા.૩૦: સુપ્રીમ કોર્ટે શુક્રવારે ચુકાદો આપ્યો હતો કે બ્રેકઅપ પછી પુખ્ત પુરુષ અનેસ્ત્રી વચ્ચે સંમતિથી થયેલા શારીરિક સંબંધોને બળાત્કાર ગણી શકાય નહીં. કોર્ટે એક એવા કેસમાં એક પુરુષને નિર્દોષ જાહેર કર્યો હતો જ્યાં લગ્નનું વચન આપીને સંબંધ સ્થાપિત કરવામાં આવ્યો હતો.જાસ્ટિસ બી.વી. નાગરત્ના અને આર. મહાદેવનની બેન્ચે જણાવ્યું હતું કે બ્રેકઅપ પછી પ્રેમ અને પરસ્પર સંમતિથી બનેલા સંબંધને ગુનાહિત ગણી શકાય નહીં. દરેક તૂટેલા સંબંધને બળાત્કાર ગણવો ખોટું છે.જો કે, જો લગ્નનું ખોટું વચન આપીને અથવા છેતરપિડી દ્વારા શરૂઆતમાં સંમતિ મેળવવામાં આવી હોય, તો કેસ અલગ હશે. આવા કિસ્સાઓમાં, એ તપાસવું મહત્વપૂર્ણ છે કે સંમતિ ખરેખર છેતરપિડી પર આધારિત હતી કે નહીં.
બળાત્કારના આરોપોની ધમકી આપવી ખોટી છે કોઈ પુરુષ સામે ફક્ત એટલા માટે ફોજદારી કેસ દાખલ કરવો યોગ્ય નથી કારણ કે તેણે સંબંધ સમાપ્ત કરવાનો નિર્ણય લીધો છે. કોઈને પણ બળાત્કારના આરોપની ધમકી આપીને સંબંધમાં રહેવા માટે દબાણ કરી શકાતું નથી.
બળાત્કારના કાયદાનો દુરુપયોગ ન થવો જોઈએઃ બળાત્કારના કાયદાનો દુરુપયોગ હેરાન કરવા અથવા બદલો લેવા માટે ન થવો જોઈએ. પરસ્પર સંમતિથી બનેલા સંબંધો શરૂઆતથી જ છેતરપિડી અથવા બળજબરી પર આધારિત સંબંધોથી અલગ હોય છે.
બળાત્કારના કેસોમાં કડક સજાઃ કોઈપણ કિસ્સામાં, આરોપોની સત્યતા અને ઉપલબ્ધ પુરાવાઓની તપાસ કર્યા પછી જ યોગ્ય કાનૂની નિર્ણયો લેવા જોઈએ. જો જાતીય હિસા, બળજબરી અથવા છેતરપિડીના પુરાવા મળે, તો ગુનેગારો સામે કડક કાનૂની પગલાં લેવા જોઈએ.મહિલાઓની દુર્દશા સમજોઃ ઘણી ષીઓ કૌટુંબિક સન્માન અને સામાજિક કલંકના ડરને કારણે જાતીય હિસાની જાણ કરવામાં અસમર્થ હોય છે. તેમની દુર્દશાને સમજવી મહત્વપૂર્ણ છે.
દિલ્હી-એનસીઆરમાં સગીરાઓ પર થયેલા સામૂહિક બળાત્કારના ત્રણ બનાવો અંગે સુપ્રીમ કોર્ટે કહ્યું, જ્યાં સુધી ગુનેગારોને મૃત્યુનો ડર ન લાગે ત્યાં સુધી આવા ગુનાઓ બંધ નહીં થાય. સુપ્રીમ કોર્ટે દિલ્હી પોલીસને કહ્યું કે ફક્ત કાગળ પર વસ્તુઓ લખી લેવી પૂરતું નથી; કડક કાર્યવાહી કરવી જ જોઇએ.
સુપ્રીમ કોર્ટે જણાવ્યું છે કે કાયદા ઘડનારાઓનો ક્યારેય પ્રેમ અને સંમતિથી બનેલા સંબંધોમાં પુખ્ત વયના લોકો વચ્ચેના જાતીય સંબંધોને સંબંધ સમાપ્ત થયા પછી જ ગુનાહિત બનાવવાનો ઇરાદો નહોતો. લગ્નના ખોટા વચનો હેઠળ બળાત્કારના કેસમાં આરોપીને નિર્દોષ જાહેર કરતી વખતે ન્યાયાધીશ બી.વી. નાગરત્ના અને આર. મહાદેવનની બેન્ચે આ મહત્વપૂર્ણ અવલોકન કર્યું હતું.
(3:04 PM IST)
