તા. ૧૨ નવેમ્બર ર૦ર૬ વિક્રમ સંવત ર૦૮૩ કારતક સુદ – ૩ ગુરૂવાર
મહિલાને મારી કટકા કરી બિરયાનીમાં નાખ્યાઃ બાકીના કટકા સૂટકેસમાં ભરી ટ્રેનમાં મોકલી દીધા
આગરા રેલવે સ્ટેશન પર મળેલા લાવારિસ સૂટકેસથી આખી ઘટનાનો ખુલાસો થયોઃ ફરાર પતિ-પત્નીને મણિપુરથી ધરપકડ
ચેન્નાઈ તા.૩૧: ચેન્નાઈ નજીક ગુડુવાંચરીમાં એક મહિલાની હત્યાનો એક એવો સનસનીખેજ મામલો સામે આવ્યો છે, જેણે પોલીસને પણ ચોંકાવી દીધી છે. પ્રાપ્ત જાણકારી અનુસાર, હત્યારાઓએ મહિલાને મારી તેના શરીરના ટુકડા કરી નાખ્યા અને અમુક ભાગની બિરયાની પણ બનાવી નાખી. જ્યારે બાકીના ટુકડાને સૂટકેસમાં ભરીને ટ્રેનમાં મોકલી દીધા. આગરા રેલવે સ્ટેશન પર મળેલા લાવારિસ સૂટકેસથી આખી ઘટનાનો ખુલાસો થયો. આ સનસનીખેજ મામલામાં પોલીસની સ્પેશિયલ ટીમે ફરાર પતિ-પત્નીને મણિપુરથી ધરપકડ કરી લીધા છે.
પોલીસના જણાવ્યા અનુસાર, તમિલનાડૂ એક્સપ્રેસના આગરા રેલવે સ્ટેશન પર પહોંચતા એક લાવારિસ સૂટકેસ મળી હતી, જ્યારે તેને ખોલવામાં આવ્યું તો તેમાંથી એક મહિલાની લાશ કપાયેલા અંગો સાથે મળી આવી. મામલાની ગંભીરતા જોતા પોલીસે તપાસ શરુ કરી દીધી.
સૂટકેસથી મળ્યો ચેન્નાઈનો સુરાગઃ પોલીસને સૂટકેસની અંદર એક પ્લાસ્ટિક કવર પર ચેન્નાઈની એક નામી ટેક્સટાઈલ કંપનીનું નામ મળ્યું. આ સુરાગ પોલીસને આગરાથી ચેન્નાઈ સુધી લઈ ગઈ. ત્યાર બાદ પોલીસે ચેન્નાઈની આજુબાજુના વિસ્તારમાં લાગેલા ૩૫૦થી વધારે સીસીટીવી કેમેરા ફુટેજ ખંગાળ્યા. કલાકોની મહેનત બાદ પોલીસને એક કપલની ગતિવિધિ શંકાસ્પદ લાગી. ફુટેજથી જાણવા મળ્યું કે કપલ ગુડુવાંચરી જતાં પહેલા ટ્રેનમાં તે સૂટકેસ મૂકીને નીકળી ગયા હતા.
સીસીટીવી ફુટેજમાંથી મળેલા સુરાગના આધાર પર પોલીસે ગુડુવાંચરી સ્થિત ભાડાના મકાન સુધી પહોંચ્યા, જ્યાં આરોપી કપલ રહેતું હતું. ત્યાં તલાશી દરમ્યાન મહિલાની લાશના બાકીના અંગો પણ મળી આવ્યા. પોલીસ તપાસમાં સામે આવ્યું કે હત્યા બાદ આરોપીઓએ ઓળખ અને પુરાવાનો નાશ કરવા માટે લાશને ઠેકાણે લગાવવાની કોશિશ કરી હતી. આ દરમ્યાન લાશના અમુક ભાગની બિરયાની બનાવી અને સૂટકેસમાં ભરી ટ્રેન દ્વારા મોકલવાનો પ્લાન બનાવ્યો.
મૃતક મહિલાની ઓળખ હૈથુલ નિશા તરીકે થઈ છે. તે તાંબરમની નજીક એક ખાનગી કંપનીમાં કામ કરતી હતી. તપાસમાં પોલીસને જાણવા મળ્યું છે કે હૈથુલ નિશાની ઓળખ આરોપી માણિક લસ્કર સાથે કામ કરતી વખતે થઈ હતી. પોલીસના જણાવ્યા અનુસાર, બંને વચ્ચે બાદમાં કથિત રીતે આડા સંબંધ બની ગયા.
માણિકની પત્ની ભાગમતી માઝીને આ સંબંધની જાણકારી થઈ તો તેણે તેનો વિરોધ કર્યો. ત્યાર બાદ વિવાદ એટલો વધી ગયો અને પોલીસના જણાવ્યા અનુસાર, માણિક અને ભાગમતીએ મળીને હૈથુલ નિશાની હત્યાનું કાવતરું રચ્યું. હત્યા બાદ બંનેએ લાશને ઠેકાણા લગાવવા અને મામલામાં પુરાવાનો નાશ કરવાની કોશિશ કરી. જો કે આગરા રેલવે સ્ટેશન પર મળેલા સૂટકેસ અને તેના પર રહેલા ચેન્નાઈના સગડે આખા પ્લાન પર પાણી ફેરવી નાખ્યું.
મણિપુરમાં છુપાયા હતા બંને આરોપીઃ આ ઘટનાને અંજામ આપ્યા બાદ આરોપી કપલ ચેન્નાઈથી ફરાર થઈ ગયો હતો. પોલીસે તેમની તલાશી શરુ કરી અને તપાસ દરમ્યાન જાણવા મળ્યું કે, બંને મણિપુરમાં છુપાયેલા છે. સ્પેશિયલ ટીમે કાર્યવાહી કરતા સૌથી પહેલા ઓડિશાના રહેવાસી ૨૨ વર્ષિય માણિક લસ્કરને મણિપુરથી ધરપકડ કરી. ત્યાર બાદ તેની પત્ની ભાગમતી માઝીની પણ ધરપકડ કરી. બંને સાથે હાલમાં પૂછપરછ થઈ રહી છે. પોલીસ હવે હત્યાનું કારણ, ઘટનામાં બંનેની ભૂમિકા અને લાશને ઠેકાણા લગાવવાની કોશિશ સાથે જોડાયેલા અન્ય પાસાઓની તપાસ કરી રહી છે.
(10:02 AM IST)
છેલ્લા 8 દિવસમાં સૌથી લોકપ્રિય 
