નવી દિલ્હી :ભારતીય નૌકાદળના વડા એડમિરલ દિનેશ કે. ત્રિપાઠીએ નવી દિલ્હીમાં રાષ્ટ્રપતિ ભવન ખાતે દેશના રાષ્ટ્રપતિ અને સશસ્ત્ર દળોના સર્વોચ્ચ કમાન્ડર દ્રૌપદી મુર્મુ સાથે ઔપચારિક મુલાકાત કરી હતી. આ મહત્વની બેઠક દરમિયાન નૌકાદળના વડાએ રાષ્ટ્રપતિને ભારતીય દરિયાઈ સરહદોની સુરક્ષા વ્યવસ્થા, નૌકાદળની પ્રવર્તમાન સજ્જતા અને આધુનિકીકરણના વિવિધ પ્રોજેક્ટ્સ અંગે માહિતગાર કર્યા હોવાનું માનવામાં આવે છે. રાષ્ટ્રપતિ ભવન દ્વારા સત્તાવાર રીતે આ મુલાકાતની તસવીરો શેર કરવામાં આવી છે.