તા. ૨૦, જુલાઈ ૨૦૨૬: ન્યુ જર્સી: ફિફા વર્લ્ડ કપ ૨૦૨૬ ના મહાકુંભની ફાઇનલ મેચમાં સ્પેને આર્જેન્ટિનાને હરાવીને ટ્રોફી પર કબજો જમાવ્યો છે. પરંતુ આ ઐતિહાસિક જીત બાદ હવે મેદાનની બહાર એક મોટો વૈશ્વિક વિવાદ સોશિયલ મીડિયા પર ગરમાયો છે. આ વિવાદના કેન્દ્રમાં છે અમેરિકાના રાષ્ટ્રપતિ ડોનાલ્ડ ટ્રમ્પ. ટ્રોફી સેરેમની દરમિયાન સ્ટેજ પર હાજર રહેલા ડોનાલ્ડ ટ્રમ્પ સ્પેનિશ ફૂટબોલ એસોસિએશન (Spanish FA) દ્વારા જાહેર કરવામાં આવેલી સત્તાવાર તસવીરોમાંથી ગાયબ જોવા મળતા ફેન્સ આશ્ચર્યચકિત થઈ ગયા છે અને સવાલ ઉઠી રહ્યો છે કે શું સ્પેને જાણીજોઈને યુએસ પ્રમુખને ક્રોપ કરીને બહાર કાઢી મૂક્યા છે?

ટ્રોફી પ્રસ્તુતિ વખતે સ્ટેજ પર સર્જાઈ હતી બેડોળ સ્થિતિ

મેચ બાદ જ્યારે વિજેતા ટીમને મેડલ આપવાના હતા ત્યારે ડોનાલ્ડ ટ્રમ્પ મુખ્ય ચહેરો હતા. તેમણે સ્પેનના કેપ્ટન રોડ્રીને ટ્રોફી સોંપતા પહેલા ખેલાડીઓને મેડલ પહેરાવ્યા હતા. જો કે, આ સેરેમની દરમિયાન ટ્રમ્પ ખૂબ જ ઉત્સાહિત દેખાતા હતા પરંતુ ફિફા (FIFA) ના પ્રમુખ ગિયાની ઇન્ફેન્ટિનોએ તેમને ડાયસ (મંચ) છોડી દેવા માટે સમજાવ્યા હોય તેમ લાગતું હતું. આમ છતાં, જ્યારે કેપ્ટન રોડ્રીએ ટ્રોફી હવામાં લહેરાવી ત્યારે ટ્રમ્પ સ્પેનના સ્ટાર ખેલાડી ગાવીની બાજુમાં જ બેડોળ રીતે ઉભા હતા.

વાયરલ ફોટો પાછળનું અસલી સત્ય શું છે?

સોશિયલ મીડિયા પર જે સત્તાવાર ફોટો શેર કરવામાં આવ્યો છે, તેમાં સ્પેનિશ ખેલાડીઓનો જ વિજય ઉત્સવ દેખાય છે અને ટ્રમ્પ ક્યાંય નજરે પડતા નથી. આનાથી ઇન્ટરનેટ પર એવી અફવાઓ વહેતી થઈ કે સ્પેને ટ્રમ્પને ચિત્રમાંથી સંપૂર્ણપણે એડિટ કરીને હટાવી દીધા છે. જો કે, બજારના નિષ્ણાતોનું માનવું છે કે આ કોઈ એડિટિંગની કરામાત નથી, પરંતુ એક અલગ કેમેરા ફ્રેમ હોઈ શકે છે. ટ્રમ્પ અને ઇન્ફેન્ટિનો ટ્રોફી લિફ્ટ થયાની થોડી જ ક્ષણોમાં સ્ટેજ પરથી બાજુ પર ખસી ગયા હતા અને કદાચ આ ફોટો તે પછીના સમયનો હોઈ શકે છે.

સ્ટેડિયમમાં ટ્રમ્પ વિરુદ્ધ લાગ્યા હતા 'બૂ' ના નારા

આ સમગ્ર સમારંભ દરમિયાન ડોનાલ્ડ ટ્રમ્પ માટે સ્થિતિ થોડી અસહજ રહી હતી. જ્યારે સ્ટેડિયમના મોટા વિડીયો બોર્ડ પર ટ્રમ્પનો ચહેરો બતાવવામાં આવ્યો, ત્યારે સ્ટેડિયમમાં હાજર હજારો ફૂટબોલ પ્રેમીઓએ તેમને જોરદાર હુરિયો બોલાવ્યો હતો (Booing). ત્યારપછી જ્યારે તેઓ મેદાન પર પ્રેઝન્ટેશન માટે આવ્યા ત્યારે પણ સ્ટેડિયમ ગુંજી ઉઠ્યું હતું. ઉલ્લેખનીય છે કે, ટ્રમ્પ અગાઉ ચેલ્સીની ક્લબ વર્લ્ડ કપની ઉજવણીમાં પણ સક્રિય દેખાયા હતા અને કદાચ સ્પેનની જીતમાં પણ તેઓ આવો જ રોબ જમાવવા માંગતા હતા, પરંતુ આ વખતે તેમનો જાદુ ચાલ્યો નહીં.