વાશિંગ્ટન : અમેરિકી રાષ્ટ્રપતિ ડોનાલ્ડ ટ્રમ્પે રવિવારે પ્રસારિત થયેલા "૬૦ મિનિટ્સ" સાથેના એક વિશેષ ઇન્ટરવ્યુમાં કબૂલ્યું છે કે તેમની આક્રમક ઇમિગ્રેશન નીતિઓ અને સખત દેશનિકાલના અભિગમને કારણે મધ્યસત્ર ચૂંટણીમાં રિપબ્લિકન પાર્ટીને મોટું નુકસાન વેઠવું પડ્યું છે. મધ્યસત્ર ચૂંટણી પછીના આ પ્રથમ ઊંડાણપૂર્વકના ઇન્ટરવ્યુમાં ટ્રમ્પે સ્વીકાર્યું કે તેમની સરકારની આ નીતિઓ એટલી બધી કઠિન સાબિત થઈ કે તેના કારણે પક્ષને કોંગ્રેસના બંને ગૃહોમાં મોટો પરાજયનો સામનો કરવો પડ્યો છે.
ઇન્ટરવ્યુ દરમિયાન જ્યારે ટ્રમ્પને પૂછવામાં આવ્યું કે શું તેમની દેશનિકાલ નીતિઓ ખૂબ આગળ વધી ગઈ છે, ત્યારે તેમણે જવાબ આપ્યો કે તે ખૂબ જ મુશ્કેલ હોઈ શકે છે અને તેનાથી તેમને પણ દુઃખ થયું છે. તેમણે જણાવ્યું કે સરહદ બંધ કરવા અને ખરાબ તત્વોને બહાર કાઢવા જેવી બાબતોમાં તેમને ઉત્તમ ગુણ મળ્યા, પરંતુ સારી નોકરીઓ કરતા અને કાયદાનું ઉલ્લંઘન કરનાર એવા લોકોને પણ દેશનિકાલમાં લેવામાં આવ્યા જેનાથી પરિસ્થિતિ વધુ વણસી.
ચૂંટણીમાં પરાજય માટે ઇમિગ્રેશન ઉપરાંત ટ્રમ્પે અન્ય ઘણા કારણો પણ ગણાવ્યા હતા, જેમાં મતદાનમાં ઓછું ટર્નઆઉટ, ખરાબ સંદેશાવ્યવહાર અને ઇરાનમાં ચાલી રહેલા અપ્રિય યુદ્ધ જેવા મુદ્દાઓનો સમાવેશ થાય છે. તેમણે એમ પણ ઉમેર્યું કે જો ડેમોક્રેટ્સ સાથે અગાઉ ઇમિગ્રેશન પર કોઈ સોદો કરવામાં આવ્યો હોત તો કદાચ પરિસ્થિતિ અલગ હોત અને ડેમોક્રેટ્સે મોટું માર્જિન મેળવ્યું ન હોત.
આ નિવેદન બાદ અમેરિકી રાજકારણમાં ગરમાવો આવી ગયો છે અને આગામી સમયમાં રિપબ્લિકન નેતૃત્વ દ્વારા ઇમિગ્રેશન નીતિઓમાં નરમાઈ લાવવા અથવા રણનીતિ બદલવા અંગે નવા પગલાં લેવાય તેવી વ્યાપક શક્યતાઓ સેવાઈ રહી છે.