નવી દિલ્હી :દિલ્હીમાં 15 સપ્ટેમ્બરથી શરૂ થયેલી DTC ડ્રાઇવરોની હડતાળ હવે ધીમી પડી ગઈ છે. દિલ્હી સરકાર દ્વારા આવશ્યક સેવાઓ જાળવણી અધિનિયમ (ESMA) લાગુ કર્યા બાદ, હડતાળ અને આંદોલન છ મહિના માટે સ્થગિત કરવામાં આવ્યા છે. આના કારણે લગભગ બે અઠવાડિયાથી ખોરવાયેલી બસ સેવાઓમાં થોડો સુધારો થયો છે અને મુસાફરોને રાહત મળી છે. જો કે, પગાર વધારા, તબીબી સુવિધાઓ અને સામાજિક સુરક્ષા માટેની વિરોધ કરી રહેલા ડ્રાઇવરોની માંગણીઓ હજુ પણ પેન્ડિંગ છે.