તા. ૧૨ નવેમ્બર ર૦ર૬ વિક્રમ સંવત ર૦૮૩ કારતક સુદ – ૩ ગુરૂવાર
બિલપાવર લિમિટેડ સામે EDએ ધોકો પછાડયોઃ મુંબઈ - વડોદરામાં સાત સ્થળોએ દરોડા પાડયાઃ રૂા.૧૨.૨૦ કરોડના દાગીના જપ્ત
રૂા.૪૩.૯૦ લાખ રોકડા અને રૂા.૧૨.૨૦ કરોડના દાગીના જપ્ત કરવામાં આવ્યા
મુંબઈ તા.૨૮: મુંબઈ. બિલપાવર લિમિટેડ સાથે સંકળાયેલા રૂા.૧૬૦ કરોડના બેંક લોન છેતરપિડીના કેસમાં એન્ફોર્સમેન્ટ ડિરેક્ટોરેટ (ED) એ મોટી કાર્યવાહી કરી છે. ૨૫ ઓગસ્ટના રોજ, ચ્ઝએ મુંબઈ અને વડોદરામાં સાત રહેણાંક અને વ્યવસાયિક સ્થળો અને ત્રણ બેંક લોકર પર દરોડા પાડ્યા. આશરે રૂા.૪૩.૯૦ લાખ રોકડા અને રૂા.૧૨.૨૦ કરોડના દાગીના જપ્ત કરવામાં આવ્યા. EDના જણાવ્યા અનુસાર, મની લોન્ડરિગ નિવારણ અધિનિયમ, ૨૦૦૨ ની કલમ 17(1A) હેઠળ બે બેંક ખાતાઓમાં જમા કરાયેલા આશરે રૂા.૨૭ લાખ ફ્રીઝ કરવામાં આવ્યા હતા. ત્રણ બેંક લોકર પણ ફ્રીઝ કરવામાં આવ્યા છે.
આ તપાસ સેન્ટ્રલ બ્યુરો ઓફ ઇન્વેસ્ટિગેશન (CBI) દ્વારા દિલ્હીમાં સ્ટેટ બેંક ઓફ ઇન્ડિયાની ફરિયાદના આધારે દાખલ કરાયેલી જ્ત્ય્ના આધારે શરૂ કરવામાં આવી હતી. ઘ્ગ્ત્એ ૩૦ સપ્ટેમ્બર, ૨૦૨૪ ના રોજ બિલપાવર લિમિટેડ, તેના ડિરેક્ટરો અને પેટાકંપનીઓ સામે ચાર્જશીટ દાખલ કરી હતી. EDની તપાસ મુજબ, બિલપાવર લિમિટેડે સ્ટેટ બેંક ઓફ ઇન્ડિયા પાસેથી વિવિધ લોન લીધી હતી. એવો આરોપ છે કે કંપનીએ લોન ફંડને અન્ય હેતુઓ માટે ડાયવર્ટ કરીને ખાતાઓમાં હેરાફેરી કરી હતી, જેના પરિણામે બેંકને રૂા.૧૬૦.૫૫ કરોડનું નુકસાન થયું હતું.
૧૮ એપ્રિલ, ૨૦૧૨ ના રોજ કંપનીના લોન એકાઉન્ટને નોન-પર્ફોર્મિગ એસેટ જાહેર કરવામાં આવ્યું હતું, જે સમયે તે સમયે રૂા.૧૬૦.૫૫ કરોડનું મુખ્ય બાકી હતું. તપાસમાં એ પણ બહાર આવ્યું છે કે કંપની ઘણી શેલ કંપનીઓ સાથે વ્યવહારોમાં રોકાયેલી હતી. આ કંપનીઓનો ઉપયોગ કથિત રીતે બેંક ફંડ ટ્રાન્સફર કરવા અને પછી પરત કરવા માટે કરવામાં આવતો હતો. આ કંપનીઓના પક્ષમાં લેટર્સ ઓફ ક્રેડિટ જારી કરવામાં આવ્યા હતા, અને બનાવટી દસ્તાવેજોનો કથિત રીતે ઉપયોગ કરવામાં આવ્યો હતો.
ED ના જણાવ્યા મુજબ, આ નાણાંનો એક ભાગ પરિવારના ચોક્કસ સભ્યો અને તેમના સહયોગીઓ દ્વારા નિયંત્રિત વિવિધ કંપનીઓ અને સંસ્થાઓને ટ્રાન્સફર કરવામાં આવ્યો હતો. શોધ દરમિયાન, ED એ સ્થાવર મિલકતો, જમીન અને મશીનરી સંબંધિત દસ્તાવેજો પણ જપ્ત કર્યા. ED ના જણાવ્યા અનુસાર, બિલપાવર લિમિટેડ ટ્રાન્સફોર્મર લેમિનેશન અને કોરનું ઉત્પાદન કરે છે. કંપનીનું સંચાલન રાજેન્દ્ર કુમાર ચૌધરી, સુરેશ કુમાર ચૌધરી અને નરેશ કુમાર ચૌધરી દ્વારા કરવામાં આવતું હતું. શોધ દરમિયાન, ED એ સ્થાવર મિલકતો, જમીન અને મશીનરી સંબંધિત દસ્તાવેજો જપ્ત કર્યા. એકાઉન્ટ બુક, ખાતાવહી, અન્ય દસ્તાવેજો અને ડિજિટલ ઉપકરણો પણ જપ્ત કરવામાં આવ્યા. તપાસ ચાલુ છે.
(9:51 AM IST)
છેલ્લા 8 દિવસમાં સૌથી લોકપ્રિય 
