નવી દિલ્‍હી તા.૧૮: ED એ આજે રૂા.૧૫૫ કરોડના મોટા બેંક છેતરપિડીના કેસમાં મોટી કાર્યવાહી કરી છે. કેન્‍દ્રીય તપાસ એજન્‍સી દિલ્‍હી અને ગોવામાં સાત અલગ અલગ સ્‍થળોએ એક સાથે દરોડા પાડી રહી છે. આ કેસમાં, ED એ AAP નેતા દીપક સિંગલાના પરિસરમાં પણ દરોડા પાડ્‍યા છે.

આ સમગ્ર કેસ મહેશ ટિમ્‍બર પ્રાઇવેટ લિમિટેડ સામે નોંધાયેલી નાણાકીય ગેરરીતિઓ સાથે સંબંધિત છે. તપાસ એજન્‍સીના સત્તાવાર સૂત્રોના જણાવ્‍યા અનુસાર, દરોડા મુખ્‍યત્‍વે દીપક સિગલ, મહેશ સિગલ, અમ્રિક ગિલ અને અન્‍ય ઘણા શંકાસ્‍પદો સાથે જોડાયેલા પરિસર અને સ્‍થળો પર કરવામાં આવી રહ્યા છે.

ED ની ટીમો વહેલી સવારે તમામ શંકાસ્‍પદોના ઘરો અને વ્‍યવસાયિક સ્‍થળોએ પહોંચી હતી. તપાસ દરમિયાન, રૂા.૧૫૫ કરોડના કથિત બેંક કૌભાંડને એકસાથે લાવવા માટે અનેક મુખ્‍ય દસ્‍તાવેજો અને નાણાકીય રેકોર્ડની તપાસ કરવામાં આવી રહી છે.

દીપક સિગલાને આમ આદમી પાર્ટીના અગ્રણી નેતા માનવામાં આવે છે. એવું કહેવામાં આવી રહ્યું છે કે આ શંકાસ્‍પદો ધરપકડ કરાયેલા પંજાબ સરકારના મંત્રી સંજીવ અરોરા સાથે પણ જોડાયેલા છે. સંજીવ અરોરાની ભ્રષ્ટાચાર અને નાણાકીય ગેરરીતિઓના કેસમાં પહેલાથી જ ધરપકડ કરવામાં આવી છે.

આ નવા બેંક છેતરપિંડીના કેસમાં સંજીવ અરોરા, તેમના નજીકના સહયોગીઓ અને પાર્ટીના સાથીદારોની સંડોવણીથી આમ આદમી પાર્ટીની મુશ્‍કેલીઓ વધુ વધી શકે છે.

મહેશ ટિમ્‍બર પ્રાઇવેટ લિમિટેડ સામે બેંક છેતરપિડીનો કેસ દાખલ કરવામાં આવ્‍યો છે. કંપની પર અનેક બેંકોમાંથી આશરે રૂા. ૧૫૫ કરોડની લોનનો ગેરઉપયોગ કરવાનો આરોપ છે, જેના કારણે બેંકોને નોંધપાત્ર નુકસાન થયું છે.