News of Monday, 16th November 2026
અમેરિકન રાષ્ટ્રપતિ ડોનાલ્ડ ટ્રમ્પના ચીન પ્રવાસમાં ઈલોન મસ્ક પણ સાથે જોડાયા
બંને દેશો વચ્ચેના વ્યાપારીક અને રાજદ્વારી સંબંધોને મજબૂત કરવા ઐતિહાસિક સમિટ: કાલે ઈન્ડોનેશિયા અને ત્યારબાદ ચીન પહોંચશે

ન્યૂયોર્ક: રાષ્ટ્રપતિ ડોનાલ્ડ ટ્રમ્પ તેમના હાલના ચીન પ્રવાસ દરમિયાન જગવિખ્યાત ઉદ્યોગપતિ ઈલોન મસ્કને પોતાની સાથે લઈ ગયા છે.
એક અગ્રણી ન્યૂઝ ચેનલના ગ્રાફિક્સ અહેવાલ મુજબ આ એક ઐતિહાસિક સમિટ બની રહેશે. અમેરિકા અને ચીન વચ્ચેના વ્યાપારીક, તકનીકી અને રાજદ્વારી સંબંધોમાં એક નવા અધ્યાયની શરૂઆત કરવા માટે આ પ્રવાસ અત્યંત મહત્વપૂર્ણ માનવામાં આવી રહ્યો છે.
ઈલોન મસ્ક જેવા દિગ્ગજ ઉદ્યોગપતિની આ પ્રવાસમાં હાજરી એ દર્શાવે છે કે અમેરિકન સરકાર આંતરરાષ્ટ્રીય વ્યાપાર અને ભવિષ્યની ટેકનોલોજી અંગે કેટલી ગંભીર છે.
રાજકીય વિશ્લેષકોના મતે આ બેઠકથી વૈશ્વિક અર્થતંત્ર પર મોટી અસર પડી શકે છે અને બંને દેશો વચ્ચે અટવાયેલા અનેક વ્યાપારીક કરારો અંગે નવી દિશા ખુલી શકે છે. આ સમાચાર બહાર આવતા જ આંતરરાષ્ટ્રીય વ્યાપાર જગતમાં અનેક પ્રકારની ચર્ચાઓ શરૂ થઈ ગઈ છે અને આ પ્રવાસ પર સૌની નજર મંડાયેલી છે.
આજે એટલે કે ૧૬મી નવેમ્બર, ૨૦૨૬ ના રોજ રાષ્ટ્રપતિ ડોનાલ્ડ ટ્રમ્પ તેમના એશિયા પ્રવાસ માટે રવાના થયા છે. તેમના આ પ્રવાસના કાર્યક્રમ મુજબ:
તેઓ મંગળવારે (૧૭ નવેમ્બર) ફિલિપાઇન્સ પહોંચશે.
ત્યારબાદ બુધવારે (૧૮ નવેમ્બર) તેઓ એશિયા-પેસિફિક ઈકોનોમિક કોઓપરેશન ( એપેક ) સમિટ માટે ચીનના શેનઝેન શહેર જવા રવાના થશે.
તેઓ ૧૮ નવેમ્બરના રોજ ચીન પહોંચશે અને ઈલોન મસ્ક પણ તેમની સાથે આ એશિયા પ્રવાસમાં જોડાયા છે
(10:02 PM IST)









છેલ્લા 8 દિવસમાં સૌથી લોકપ્રિય 
