નવી દિલ્‍હી,તા.૨૪: કહેવાય છે કે દુનિયામાં પિતા-પુત્રીનો સંબંધ સૌથી નિરાળો હોય છે. જોકે એક પિતાએ પોતાની નન્‍હીં પરી માટે જે કર્યું છે એ દિલ જીતી લેનારું છે. આ પિતાએ પોતાની નવજાત દીકરીના પગની છાપનું કાયમી ટેટૂ છૂંદાવી લીધું છે.

આ ઘટનાનો વિડિયો તેણે સોશ્‍યલ મીડિયામાં શેર કર્યો છે. પહેલાં તે પોતાની દીકરીના પગની છાપ પોતાના ડાબા હાથ પર છપાવે છે અને પછી એ લઈને ટેટૂ-આર્ટિસ્‍ટ પાસે જાય છે અને એ છાપ પર કાયમી ટેટૂ બનાવડાવે છે. આ એક શાહી માત્ર નથી, એક પિતાનો દીકરી માટેનો પ્રેમ છે. એ ટેટૂની છાપ સાથે દીકરીનું નામ અને તેની જન્‍મતારીખ પણ છપાવી લીધી છે.