બીરભૂમ તા.૧૭: પﾍમિ બંગાળના બીરભૂમ જિલ્‍લામાં એક ખાનગી હોટલમાં ભીષણ આગ લાગી છે. અત્‍યાર સુધીમાં ૭ લોકોના મોત થયા છે. ઘણા લોકો ઘાયલ થયા હોવાના અહેવાલો પણ છે. ઘટનાની માહિતી મળતાં, ફાયર ફાઇટર ઘટનાસ્‍થળે પહોંચ્‍યા અને ભારે પ્રયાસો પછી આગ પર કાબુ મેળવ્‍યો. ઘાયલોને બચાવી લેવામાં આવ્‍યા અને રામપુરહાટ સરકારી મેડિકલ કોલેજ અને અન્‍ય હોસ્‍પિટલોમાં દાખલ કરવામાં આવ્‍યા.

આજે, ૧૭ ઓગસ્‍ટ, સવારે ૪:૩૦ વાગ્‍યે, તારાપીઠ પોલીસ સ્‍ટેશન નજીક તળાવના કિનારે આવેલી બિદિશિની નામની હોટલના ગ્રાઉન્‍ડ ફલોર પર આગ લાગી હતી.

ફાયર વિભાગના જણાવ્‍યા અનુસાર, તારાપીઠ પોલીસ સ્‍ટેશન વિસ્‍તારમાં તળાવના કિનારે આવેલી બિદિશિની હોટલના ગ્રાઉન્‍ડ ફલોર પર આગ લાગી હતી. શોર્ટ સર્કિટને કારણે આગ લાગી હોવાની શંકા છે. તારાપીઠ અને રામપુરહાટ પોલીસ સ્‍ટેશનની પોલીસ ઘટનાસ્‍થળે પહોંચી ગઈ છે અને તપાસ શરૂ કરી છે.