તા. ૧૨ નવેમ્બર ર૦ર૬ વિક્રમ સંવત ર૦૮૩ કારતક સુદ – ૩ ગુરૂવાર
મહારાષ્ટ્રમાં ખૂલ્યું પહેલ વહેલું એનિમલ બ્યુટી-પાર્લર
પશુઓને હાઈ-ટેક સ્નાનાગૃહમાં નવડાવવામાં આવશે
સાતારા,તા.૨૦: માણસો માટે તો પાર્લર હોય એ સમજ્યા, પણ મહારાષ્ટ્રનાં ગામો હવે પ્રાણીઓ માટે પણ હાઈ-ટેક થઈ રહ્યાં છે. મહારાષ્ટ્રના સાતારા જિલ્લાના માન્યાચી વાડી નામના ગામમાં પ્રાણીઓ માટે ઍનિમલ બ્યુટી-પાર્લર શરૂ થયું છે. આ પહેલ અંતર્ગત પશુઓને હાઈ-ટેક સ્નાનાગૃહમાં નવડાવવામાં આવશે. નાહવામાં વપરાયેલું પાણી ફિલ્ટર કરીને ખેતીમાં વપરાશે. ગામનાં પશુઓ સાફસૂથરાં રહે અને એમનું સ્વાસ્થ્ય પણ સારું રહે એ માટે આ પગલું લેવાયું છે. પર્યાવરણ સંરક્ષણની દિશામાં આ મહત્ત્વનું પગલું છે. હવે આ ગામની ગાયો અને ભેંસોને નદી, નાળાં અને તળાવોમાં નવડાવવાને બદલે હાઈ-ટેક સ્નાનાગૃહમાં સાફ કરવામાં આવશે. એમાં શાવર સિસ્ટમથી શુદ્ધ પાણી મળશે. બિનજરૂરી વાળ કાઢવાની વ્યવસ્થા પણ એમાં છે. પ્રાણીઓ નહાતાં હોય ત્યારે સુરીલી સંગીતની ધૂન વાગતી હોવાથી પ્રાણીઓને માનસિક શાંતિ ફીલ થશે. માન્યાચી વાડી ગામ ગ્રામીણ વિકાસની દિશામાં એક મોડલ બનીને ઊભરી આવ્યું છે. આ પંચાયતને અત્યાર સુધીમાં ૮૨થી વધુ પુરસ્કારો મળી ચૂક્યા છે.
(10:15 AM IST)
છેલ્લા 8 દિવસમાં સૌથી લોકપ્રિય 
