નવી દિલ્હી તા.૩૦ : જો તમે તમારા જૂના બેંક ખાતા, પોસ્ટ ઓફિસ ડિપોઝિટ, શેર, મ્યુચ્યુઅલ ફંડ કે ઈન્સ્યોરન્સ પોલિસીમાં જમા પૈસા ભૂલી ગયા હોવ તો હવે ચિંતા કરવાની જરૂર નથી. નાણા મંત્રાલયે નાગરિકોની સુવિધા માટે 'Unclaimed Assets Portal' નામનું એક કેન્દ્રિય પોર્ટલ લોન્ચ કર્યું છે. આ પોર્ટલ પરથી તમે એક જ જગ્યાએથી તમારી દાવા વિનાની સંપત્તિની માહિતી મેળવી શકશો અને તેને ક્લેમ પણ કરી શકશો.

 

ભારતીય રિઝર્વ બેંક (RBI)ના આંકડા મુજબ, માર્ચ 2026 સુધી દેશની બેંકો, પોસ્ટ ઓફિસ, ઈન્સ્યોરન્સ કંપનીઓ, મ્યુચ્યુઅલ ફંડ અને EPFમાં ₹78,000 કરોડથી વધુ રકમ એવી પડી છે જેના પર કોઈએ દાવો કર્યો નથી. ઘણીવાર લોકો નોકરી બદલતી વખતે જૂનું PF ખાતું, બંધ પડેલું બેંક ખાતું કે પૈતૃક સંપત્તિના શેર ભૂલી જતા હોય છે. હવે આ પોર્ટલ તે શોધવામાં મદદ કરશે

આ નવા પોર્ટલ પરથી તમે નીચેની અનક્લેમ્ડ સંપત્તિ ચેક કરી શકો છો:

1. *બેંક ડિપોઝિટ:* 10 વર્ષથી નિષ્ક્રિય પડેલા સેવિંગ્સ/કરંટ એકાઉન્ટ, FD

2. *પોસ્ટ ઓફિસ:* PPF, NSC, KVP જેવી યોજનાઓ

3. *ઈન્સ્યોરન્સ:* મેચ્યોર થઈ ગયેલી પણ ક્લેમ ન કરેલી પોલિસી

4. *શેર અને મ્યુચ્યુઅલ ફંડ:* ડિવિડન્ડ કે રિડેમ્પશનની રકમ

5. *EPF:* જૂનું PF ખાતું જે ટ્રાન્સફર કે ઉપાડવામાં આવ્યું નથી

6. *IEPF:* ઈન્વેસ્ટર એજ્યુકેશન એન્ડ પ્રોટેક્શન ફંડમાં ટ્રાન્સફર થયેલા શેર

 

1. *પોર્ટલ પર જાઓ:* સૌપ્રથમ નાણા મંત્રાલયના સત્તાવાર 'Unclaimed Assets Portal' પર જાઓ.

2. *રજિસ્ટ્રેશન કરો:* મોબાઈલ નંબર અને આધાર OTP દ્વારા રજિસ્ટ્રેશન કરો.

3. *વિગતો ભરો:* તમારું નામ, પાન નંબર, જન્મ તારીખ અને જૂના સરનામા જેવી વિગતો દાખલ કરો.

4. *સર્ચ કરો:* સિસ્ટમ આપોઆપ બેંકો, મ્યુચ્યુઅલ ફંડ, ઈન્સ્યોરન્સ કંપનીઓના ડેટાબેઝમાં તમારા નામે પડેલી અનક્લેમ્ડ રકમ સર્ચ કરશે.

5. *ક્લેમ ફાઈલ કરો:* જો કોઈ રકમ મળે તો 'Claim' બટન પર ક્લિક કરીને જરૂરી KYC દસ્તાવેજો અપલોડ કરો.

6. *વેરિફિકેશન:* સંબંધિત બેંક કે સંસ્થા 15-30 દિવસમાં તમારા દસ્તાવેજો વેરિફાઈ કરીને રકમ તમારા ખાતામાં ટ્રાન્સફર કરશે.

 

 

કયા દસ્તાવેજો જરૂરી?

 

 

 

ક્લેમ માટે આધાર કાર્ડ, પાન કાર્ડ, કેન્સલ ચેક અને મૃતકના કિસ્સામાં ડેથ સર્ટિફિકેટ તથા વારસાઈ પ્રમાણપત્ર જરૂરી બનશે.

નાણા મંત્રાલયે સ્પષ્ટ કર્યું છે કે આ પોર્ટલ સંપૂર્ણપણે મફત છે અને કોઈપણ એજન્ટ કે વચેટિયાને પૈસા આપવાની જરૂર નથી