મુંબઈ : અમેરિકામાં ઓગસ્ટ મહિનામાં ફુગાવાના આંકડા ઊંચા આવતા આગામી ૧૫-૧૬ સપ્ટેમ્બરે મળનારી ફેડરલ રિઝર્વની બેઠકમાં વ્યાજદરમાં વધારો થવાની પ્રબળ ભીતિ સેવાઈ રહી છે. આ વૈશ્વિક નરમાઈની સીધી અસર આંતરરાષ્ટ્રીય બજારો પર પડી છે, જેના પગલે ગઈકાલે શિકાગો ખાતે સોયાતેલના વાયદામાં ૨૨૭ સેન્ટનો મોટો ઘટાડો નોંધાયો હતો. તેમ છતાં, સ્થાનિક જથ્થાબંધ ખાદ્યતેલ બજારમાં સપ્તાહનો અંત, રવિવાર અને સોમવારે ગણેશ ચતુર્થીની જાહેર રજા તેમજ બેંકો બંધ હોવાને કારણે હાજર, ડાયરેક્ટ ડિલિવરી અને સેલરિસેલ ધોરણે કામકાજો સંપૂર્ણપણે નિરસ રહ્યાં હતાં અને ભાવ સાંકડી વધઘટે ટકેલા જોવા મળ્યા હતા.

બજારના અહેવાલો મુજબ, ડાયરેક્ટ ડિલિવરી શરતે વિવિધ કંપનીઓના ૧૦ કિલોદીઠ ભાવ જોઈએ તો ભારત ફૂડ અને એવીઆઈના સોયા રિફાઈન્ડના રૂ. ૧૪૪૦, પતંજલિ ફૂડ્સના ઓક્ટોબર ડિલિવરી શરતે આરબીડી પામોલિનના રૂ. ૧૫૦૦, સોયા રિફાઈન્ડના રૂ. ૧૪૭૦ અને સન રિફાઈન્ડના રૂ. ૧૭૩૦ ક્વોટ થયા હતા. જોકે, બજારમાં વેપારનો અભાવ જોવા મળ્યો હતો, જ્યારે સિકોફના આરબીડી પામોલિન સપ્ટેમ્બર કોન્ટ્રાક્ટમાં રૂ. ૧૪૫૦.૩૦ ના મથાળે બાયબૅકમાં છૂટીછવાઈ લેવાલી નીકળી હતી.

આ ઉપરાંત, ગુજરાતના મુખ્ય કૃષિ મથકો પર નવી મગફળીની આવકો જોરશોરથી શરૂ થઈ ગઈ છે. ગોંડલ બજારમાં નવી મગફળીની ૯૦૦૦ ગૂણીની આવક સામે વેપાર મણદીઠ રૂ. ૧૪૦0 થી ૧૮૫0 માં અને જૂની મગફળીના વેપાર રૂ. ૧૪૦0 થી ૧૫00 માં થયા હતા. જ્યારે રાજકોટ મથકે નવી મગફળીની ૪૦૦૦ ગૂણીની આવક સામે મણદીઠ ભાવ રૂ. ૧૫00 થી ૧૮૫0 ની રેન્જમાં બોલાયા હતા.

સ્થાનિક હાજર બજારમાં વિવિધ દેશી-આયાતી ખાદ્યતેલોના ૧૦ કિલોદીઠ ભાવ નજર કરીએ તો આરબીડી પામોલિનના રૂ. ૧૫૦૫, સોયા રિફાઈન્ડના રૂ. ૧૪૯૦, સન રિફાઈન્ડના રૂ. ૧૭૬૦, સિંગતેલના રૂ. ૧૮૦0, કપાસિયા રિફાઈન્ડના રૂ. ૧૬૮0 અને સરસવના તેલના ભાવ રૂ. ૧૭૭0 ના મથાળે અપરિવર્તિત અને ટકેલા રહ્યા હતા.