નવી દિલ્હી :દેશના 18 રાજ્યોમાં આજે ભારે વરસાદની આગાહી વચ્ચે હવામાન વિભાગે એલર્ટ જાહેર કર્યું છે. ઉત્તરાખંડથી ઉત્તર પ્રદેશ સુધી ભારે વરસાદ પડી શકે છે, જ્યારે દિલ્હી-NCRમાં અતિભારે વરસાદને લઈને રેડ એલર્ટ આપવામાં આવ્યું છે. ઉત્તર પ્રદેશના અનેક જિલ્લાઓમાં વાવાઝોડા સાથે ભારે વરસાદની સંભાવના છે. 

  બીજી તરફ, બિહાર અને પશ્ચિમ બંગાળમાં 4 સપ્ટેમ્બરે ગાજવીજ સાથે વરસાદની આગાહી છે. કોલકાતા સહિત સમગ્ર પશ્ચિમ બંગાળમાં ભારે વરસાદનું એલર્ટ છે. આગામી બે દિવસ દરમિયાન પૂર્વ તથા પશ્ચિમ બર્ધમાન અને બીરભૂમ સહિત ચાર જિલ્લામાં અતિભારે વરસાદ પડી શકે છે.