શિમલા, તા. ૬: મંડીની ભારતીય પ્રૌદ્યોગિકી સંસ્થાના સંશોધકોએ હિમાચલ પ્રદેશમાં ઝડપથી વિસ્તરી રહેલાં નવથી બાર હિમસરોવરોને ગંભીર શ્રેણીમાં મૂક્યાં છે. તાપમાન વધવાથી બરફ પીગળવાની ઝડપ વધી રહી હોવાથી સરોવરો તૂટે તો અચાનક વિનાશક પૂર આવવાનો ભય છે.

ઘેપન, યોચે અને કાલી કુંડ સરોવરોમાં દર વર્ષે થતા ફેરફારોને કારણે સૌથી વધુ જોખમ હોવાનું સંશોધકોએ જણાવ્યું છે. વાસુકી સરોવરના કદમાં પણ ફેરફાર નોંધાયો છે. રાષ્ટ્રીય આપત્તિ વ્યવસ્થાપન સત્તામંડળે ઘેપન, વાસુક, કાશાંગ અને બાસ્પા નજીકના એક સરોવર ઉપર તાત્કાલિક ધ્યાન આપવાની જરૂર દર્શાવી છે.

પ્રવાસન વધવાથી હિમનદીઓ ઉપર ધૂળ અને કાર્બન જમા થવું તથા કાયમી રીતે થીજેલી જમીન પીગળવી પર્વતીય ભૂમિને અસ્થિર બનાવી શકે છે. સંશોધકોએ સતત દેખરેખ, આગોતરી ચેતવણી વ્યવસ્થા અને નીચાણવાળા વિસ્તારો માટે સ્થળાંતર યોજના તૈયાર કરવાની જરૂર દર્શાવી છે.