પેરિસ ટૂંક સમયમાં મુસ્લિમ શહેર બનશેઃ મેક્રોનને અગાઉથી ચેતવ્યા'તા
ડોનાલ્ડ ટ્રમ્પે ફ્રાન્સમાં ચાલી રહેલી હિંસા વચ્ચે રાષ્ટ્રપતિ ઇમેન્યુઅલ મેક્રોનની ઇમિગ્રેશન નીતિની ટીકા કરી
વોશીંગ્ટન તા.૨૦: ફ્રાન્સમાં ચાલી રહેલી હિસા અને વિરોધ વચ્ચે યુએસ પ્રમુખ ડોનાલ્ડ ટ્રમ્પે રાષ્ટ્રપતિ ઇમેન્યુઅલ મેક્રોનની ઇમિગ્રેશન નીતિ પર નિશાન સાધ્યું છે. ટ્રમ્પે દાવો કર્યો હતો કે પેરિસ ટૂંક સમયમાં મુસ્લિમ શહેર બનશે. તેમણે કહ્યું, મેં ઘણા વર્ષો પહેલા મેક્રોનને ચેતવણી આપી હતી કે અન્ય દેશોના લોકોને મોટી સંખ્યામાં ફ્રાન્સમાં પ્રવેશવાની મંજૂરી આપવી એ એક મોટી ભૂલ હશે.
ટ્રમ્પે વ્હાઇટ હાઉસની બહાર પત્રકારો સાથે વાત કરતી વખતે આ નિવેદન આપ્યું હતું. તેમણે કહ્યું કે ફ્રેન્ચ રાષ્ટ્રપતિ મેક્રોન તેમના મિત્ર છે. તેમણે દાવો કર્યો હતો કે તેમણે ફ્રેન્ચ રાષ્ટ્રપતિને પહેલેથી જ કહ્યું હતું કે તેમની ઇમિગ્રેશન નીતિ ખોટી છે. ટ્રમ્પે કહ્યું કે પેરિસ ટૂંક સમયમાં મુસ્લિમ શહેર બનશે અને આ કોઈ સમાધાન નથી. તેમણે ફ્રાન્સમાં બગડતી પરિસ્થિતિ માટે મેક્રોનની ઇમિગ્રેશન નીતિને જવાબદાર ઠેરવી હતી.
જોકે, ફ્રાન્સમાં તાજેતરના વિરોધ પ્રદર્શનો ફુગાવા, વધતા ખર્ચ અને સરકારી સેવાઓની સ્થિતિને કારણે થયા હતા. હિસા અને લૂંટફાટની ઘટનાઓ પણ બની હતી.
યુએસ પ્રમુખ ટ્રમ્પે કહ્યું કે તેમણે મેક્રોનને ઘણા સમય પહેલા ચેતવણી આપી હતી કે વિશ્વના વિવિધ ભાગોમાંથી મોટી સંખ્યામાં લોકોને ફ્રાન્સ આવવા દેવાનો નિર્ણય યોગ્ય નથી. તેમણે કહ્યું કે મેક્રોને તેમની સલાહને અવગણી છે. ટ્રમ્પના મતે, ફ્રાન્સની ઇમિગ્રેશન નીતિ પેરિસનો ચહેરો બદલી રહી છે. આ સંદર્ભમાં, ટ્રમ્પે કહ્યું કે ફ્રાન્સે તેની સરહદો કડક કરવી જોઈએ. તેમણે યુરોપની ઇમિગ્રેશન નીતિઓ પર પણ સવાલ ઉઠાવ્યા.
ટ્રમ્પનું નિવેદન એવા સમયે આવ્યું છે જ્યારે સપ્તાહના અંતે થયેલા વિરોધ પ્રદર્શનો બાદ ફ્રાન્સના અનેક શહેરોમાં હિસા, આગચંપી અને લૂંટફાટ ફાટી નીકળી હતી. જાહેર મેળાવડા પર પ્રતિબંધ મૂકવામાં આવ્યો છે અને રાજધાની પેરિસ સહિત લિલ, નાઇસ અને અન્ય શહેરોમાં સ્થાનિક કફર્યુ લાદવામાં આવ્યો છે.
ફ્રાંસના વડા પ્રધાન સેબેસ્ટિયન લેકોર્નુએ જણાવ્યું હતું કે હાલ માટે, સમગ્ર પેરિસમાં કફર્યુ લગાવવાને બદલે પસંદગીના વિસ્તારોમાં પ્રતિબંધો લાદવા વધુ યોગ્ય રહેશે. તેમણે જરૂર પડ્યે કટોકટીની સ્થિતિ જાહેર કરવાની શક્યતાને નકારી ન હતી. હકીકતમાં, પેરિસ પોલીસે કેટલાક વિસ્તારોમાં વિરોધ પ્રદર્શનો પર પ્રતિબંધ મૂક્યો હતો. પ્લેસ ડે લા રિપબ્લિક અને લ અલ્યુડ વિસ્તારમાં રાત્રે ૧૧ વાગ્યાથી સવારે ૬ વાગ્યા સુધી કફર્યુ લાદવામાં આવ્યો હતો.
ફ્રેન્ચ ગૃહ મંત્રાલયના જણાવ્યા અનુસાર, હિસા બાદ આશરે ૨,૪૦૦ લોકોની ધરપકડ કરવામાં આવી હતી અને આશરે ૧,૦૦૦ પોલીસ અધિકારીઓ ઘાયલ થયા હતા. એક વેપાર અને છૂટક સંગઠને જણાવ્યું હતું કે હિસાથી આશરે ૩,૦૦૦ દુકાનો પ્રભાવિત થઈ હતી.
ફ્રાન્સના રાષ્ટ્રપતિ ઇમેન્યુઅલ મેક્રોને રવિવારે રાષ્ટ્રને ટેલિવિઝન સંબોધનમાં હિસા અને તોડફોડની નિદા કરી. તેમણે કહ્યું કે આ ઘટનાઓને કંઈપણ યોગ્ય ઠેરવી શકે નહીં. મેક્રોને શાંતિપૂર્ણ પ્રદર્શનકારીઓની માંગણીઓને હિસામાં સામેલ લોકોની ક્રિયાઓથી અલગ રાખવા હાકલ કરી. તેમણે લોકોની આર્થિક મુશ્કેલીઓ અને જાહેર સેવાઓ અંગેની ચિતાઓને સમજવાના મહત્વને સ્વીકાર્યું.
ફ્રાન્સમાં વિરોધ શરૂઆતમાં શિક્ષકોની અછત અને નબળી શાળા સુવિધાઓ પર વિદ્યાર્થીઓના વિરોધ પ્રદર્શનોથી શરૂ થયો હતો. બાદમાં, ફુગાવા, વધતા ખર્ચ અને સરકારી સેવાઓ પર લોકોનો ગુસ્સો પણ વિસ્તર્યો.
ફ્રેન્ચ સરકાર હાલમાં સુરક્ષા પુનઃસ્થાપિત કરવા, અસરગ્રસ્ત વ્યવસાયોને સહાય કરવા અને જાહેર સેવાઓ અંગેના પ્રશ્નોના ઉકેલ લાવવાનો પ્રયાસ કરી રહી છે. દરમિયાન, ટ્રમ્પે હિસા માટે મેક્રોનની ઇમિગ્રેશન નીતિઓને જવાબદાર ઠેરવીને તેમની અગાઉની ચેતવણીનો ઉલ્લેખ કર્યો છે.
(11:02 AM IST)
છેલ્લા 8 દિવસમાં સૌથી લોકપ્રિય 
