નવી દિલ્‍હી, તા.૧૭: તહેવારોની મોસમ પહેલા UPI નો ઉપયોગ કરીને મોટી ખરીદી કરનારાઓ માટે નવો નિયમ આંચકો હશે. રૂ.૨,૦૦૦ થી વધુની UPI ચુકવણી પર ૦.૪% MDR વસૂલવામાં આવશે. આવી સ્‍થિતિમાં, દુકાનદારો કિંમતો વધારી શકે છે અથવા તહેવારોની ડિસ્‍કાઉન્‍ટ ઘટાડી શકે છે. રિટેલર્સ એસોસિએશન ઓફ ઈન્‍ડિયા દ્વારા આ ચિંતા વ્‍યક્‍ત કરવામાં આવી છે.

રિટેલર્સ એસોસિએશન ઓફ ઈન્‍ડિયાના CEO એ જણાવ્‍યું હતું કે કિંમતો વધી શકે છે અથવા તહેવારોની ડિસ્‍કાઉન્‍ટ ઘટાડી શકાય છે. રિલાયન્‍સ રિટેલ, ક્રોમા, ડી માર્ટ, શોપર્સ સ્‍ટોપ અને વી માર્ટ જેવી કંપનીઓ આ એસોસિએશનના સભ્‍યો છે.

નવા નિયમ અનુસાર, ૧૫ ઓક્‍ટોબરથી, જો તમે રૂ.૨,૦૦૦ થી વધુની ખરીદી માટે Google Pay, PhonePe, Amazon Pay, Bharat Pay, અથવા અન્‍ય કોઈપણ શ્‍ભ્‍ત્‍ નો ઉપયોગ કરીને દુકાનદારને ચુકવણી કરો છો, તો ૦.૪% ફી વસૂલવામાં આવશે. નવા નિયમ હેઠળ, રૂ.૭૫,૦૦૦ કે તેથી વધુની ચુકવણી માટે આ ફી રૂ.૩૦૦ હશે.

કેટલી ખરીદી માટે કેટલો ચાર્જ?

રૂ.૩,૦૦૦ની ખરીદી પર MDR: રૂ.૧૨, રૂ.૧૦,૦૦૦ ની ખરીદી પરઃ રૂ.૪૦, રૂ.૨૫,૦૦૦ ની ખરીદી પરઃ રૂ.૧૦૦, રૂ.૫૦,૦૦૦ ની ખરીદી પરઃ રૂ.૨૦૦, રૂ.૭૫,૦૦૦ ની ખરીદી પરઃ રૂ.૩૦૦, રૂ.૧ લાખ ની ખરીદી પર મહત્તમ ચાર્જઃ રૂ.૩૦૦.

જોકે ગ્રાહકોએ UPI દ્વારા ચુકવણી કરતી વખતે આ વધારાનો ચાર્જ ચૂકવવાની જરૂર નથી, જો દુકાનદારો તેમના ખર્ચને પહોંચી વળવા માટે કિંમતો વધારે છે અથવા ડિસ્‍કાઉન્‍ટ ઘટાડે છે, તો તેની અસર ગ્રાહક પર પડી શકે છે.

રિટેલર્સ એસોસિએશન ઓફ ઈન્‍ડિયાના જણાવ્‍યા અનુસાર, ફુગાવા અને વધેલા લોજિસ્‍ટિક્‍સ ખર્ચને કારણે વ્‍યવસાયો પહેલાથી જ દબાણ હેઠળ છે. આવી સ્‍થિતિમાં, નવો MDR નાના દુકાનદારો માટે વધારાનો બોજ બની શકે છે. તહેવારો દરમિયાન તેની અસર ખાસ કરીને સ્‍પષ્ટ થઈ શકે છે, જ્‍યારે લોકો એકસાથે મોટી માત્રામાં માલ ખરીદે છે અને બિલ રૂ.૨,૦૦૦ થી વધુ હોય છે.

આ ફી નાના રિટેલર્સને વધુ અસર કરશે, જેઓ પહેલાથી જ ઓછા માર્જિન પર કામ કરે છે. ઉદ્યોગ માને છે કે આનાથી નાના દુકાનદારો ડિજિટલ પેમેન્‍ટ છોડીને રોકડ તરફ પાછા ફરી શકે છે, જેનાથી ડિજિટલ ઇન્‍ડિયાના પ્રયાસોમાં અવરોધ આવી શકે છે. એક મુખ્‍ય ડિપાર્ટમેન્‍ટલ સ્‍ટોર ચેઇનના એક રિટેલરે જણાવ્‍યું હતું કે તેઓ જે બ્રાન્‍ડ્‍સ વેચે છે તેમણે કિંમતો વધારવાનું અથવા ડિસ્‍કાઉન્‍ટ ઘટાડવાનું શરૂ કરી દીધું છે.

માત્ર રિટેલર્સ જ નહીં, પરંતુ પેટ્રોલ પંપ ડીલર્સ પણ આ નિર્ણયથી નાખુશ છે. ઓલ ઇન્‍ડિયા પેટ્રોલિયમ ડીલર્સ એસોસિએશને સરકાર પાસે પેટ્રોલ પંપોને MDRમાંથી સંપૂર્ણ મુક્‍તિ આપવાની માંગ કરી છે. તેમનો દલીલ છે કે પેટ્રોલ પંપમાં નિﾍતિ માર્જિન હોય છે અને તેઓ પોતાની મરજીથી ભાવ વધારી શકતા નથી. તેથી, આ ફી તેમની કમાણી પર સીધી અસર કરશે. ઘણા રાજ્‍યોમાં પેટ્રોલ પંપ ડીલરો રૂ.૨,૦૦૦ થી વધુની UPI ચુકવણી સ્‍વીકારવાનું બંધ કરવાની ધમકી પણ આપી ચૂકયા છે.

નિષ્‍ણાતો માને છે કે સરકાર ભલે કહે છે કે ગ્રાહકો પાસેથી MDR વસૂલવામાં આવશે નહીં, પરંતુ આખરે બોજ સામાન્‍ય માણસ પર પડશે. ET એ બેંગલુરુ સ્‍થિત ઉદ્યોગસાહસિક સિદ્ધાર્થ દિયાનીને ટાંકીને કહ્યું કે આખરે, ગ્રાહકોએ આ ફી ચૂકવવી પડશે. અનેક વેપાર સંગઠનોએ ચેતવણી પણ આપી છે કે દુકાનદારો આ રકમ પોતાના ખિસ્‍સામાંથી ચૂકવશે નહીં, પરંતુ માલના ભાવમાં વધારો કરીને ગ્રાહકોને આપશે. (રર.૧૭)