નવી દિલ્હી, તા.15: વડાપ્રધાન નરેન્દ્ર મોદીની અધ્યક્ષતામાં મળેલી કેન્દ્રીય મંત્રીમંડળની બેઠકમાં દેશના ટેકનોલોજી ક્ષેત્રના ભવિષ્યને સુરક્ષિત કરવા માટે એક ઐતિહાસિક નિર્ણય લેવામાં આવ્યો છે. સરકારે 'ઇન્ડિયા સેમિકન્ડક્ટર મિશન 2.0' (ISM 2.0) ને મંજૂરી આપવાની સાથે તેના માટે ₹1.27 લાખ કરોડની માતબર રકમની ફાળવણી કરી છે. આ ઉપરાંત, મોબાઈલ ફોન મેન્યુફેક્ચરિંગને પ્રોત્સાહન આપવા માટે ₹62,500 કરોડની અલગ યોજનાને પણ લીલી ઝંડી આપવામાં આવી છે. આ નિર્ણયોનો હેતુ ભારતને વૈશ્વિક સેમિકન્ડક્ટર સપ્લાય ચેઇનનો મહત્વનો ભાગ બનાવવાનો અને સ્થાનિક સ્તરે ઇલેક્ટ્રોનિક્સ મેન્યુફેક્ચરિંગને વેગ આપવાનો છે.

કેન્દ્રીય ઇલેક્ટ્રોનિક્સ અને માહિતી ટેકનોલોજી મંત્રી અશ્વિની વૈષ્ણવે આ નિર્ણયોની જાહેરાત કરતા જણાવ્યું હતું કે, આ પેકેજ 'સેમિકોન 1.0' હેઠળ મળેલી ગતિને વધુ વેગ આપશે. તેમણે વધુમાં જણાવ્યું હતું કે, સરકારે વારાણસીમાં માળખાગત સુવિધાઓ, યુરિયા માટેની રાષ્ટ્રીય રોકાણ નીતિ અને રેલ્વે નેટવર્કના વિસ્તરણ સહિત કુલ 7 મુખ્ય નિર્ણયો લીધા છે, જેનું કુલ પેકેજ અંદાજે ₹2.19 લાખ કરોડનું થાય છે. આ વ્યાપક રોકાણ માત્ર ઉદ્યોગને જ નહીં, પરંતુ રોજગારીની નવી તકો અને આર્થિક વિકાસના નવા દ્વાર ખોલશે.

સેમિકોન 2.0 માટે સરકારે 6-સ્તંભોનો વ્યુહાત્મક રોડમેપ તૈયાર કર્યો છે. જેમાં ચિપ ડિઝાઇન, સેમિકન્ડક્ટર સાધનોનું ઉત્પાદન, નવી ફેબ્રિકેશન યુનિટ્સની સ્થાપના, ATMP (એસેમ્બલી, ટેસ્ટિંગ, માર્કિંગ અને પેકેજિંગ) ક્ષેત્રને મજબૂત બનાવવું, અદ્યતન R&D અને પ્રતિભા વિકાસનો સમાવેશ થાય છે. સરકારે 315 થી વધુ યુનિવર્સિટીઓમાં લગભગ 68,000 વિદ્યાર્થીઓને તાલીમ આપીને આ ક્ષેત્ર માટે કુશળ માનવબળ તૈયાર કરવાની પ્રક્રિયા પણ શરૂ કરી દીધી છે, જે ભવિષ્યમાં ભારતને સેમિકન્ડક્ટર ડિઝાઇન IP માં અગ્રેસર બનાવશે.

અગાઉના સેમિકોન 1.0 હેઠળ 12 ઉત્પાદન એકમોને મંજૂરી મળી ચૂકી છે, જેમાં માઇક્રોન, કેન્સ અને સીજી સેમી જેવા નામો સામેલ છે, જેમણે ઉત્પાદન શરૂ પણ કરી દીધું છે. ભારતનો પહેલો ફેબ્રિકેશન પ્લાન્ટ 2028 સુધીમાં કાર્યરત થવાની અપેક્ષા છે. આ તમામ પ્રયાસો દર્શાવે છે કે સરકાર હવે માત્ર ચિપ્સ આયાત કરવાને બદલે, ભારતમાં જ અત્યાધુનિક ચિપ્સ બનાવવાની ક્ષમતા કેળવવા માટે કટિબદ્ધ છે. સેમિકન્ડક્ટર અને ઇલેક્ટ્રોનિક્સ ક્ષેત્રે ભારતની આ તૈયારીઓ આવનારા દાયકાઓમાં દેશને ટેકનોલોજી ક્ષેત્રે વિશ્વની મહાસત્તા બનાવવાની દિશામાં એક મોટું પગલું છે.

ભારત બનશે ગ્લોબલ સેમિકન્ડક્ટર હબ: કેબિનેટે 'ઇન્ડિયા સેમિકન્ડક્ટર મિશન 2.0' ને આપી મંજૂરી, ₹1.27 લાખ કરોડના મેગા પેકેજથી સેમિકન્ડક્ટર ઇકોસિસ્ટમ થશે મજબૂત!

ટેકનોલોજી ક્ષેત્રે ભારતની મોટી છલાંગ: ₹2.19 લાખ કરોડના વ્યાપક પેકેજમાં મોબાઇલ મેન્યુફેક્ચરિંગ અને સેમિકન્ડક્ટર ચિપ ડિઝાઇન પર વિશેષ ભાર, આત્મનિર્ભર ભારત તરફ એક મક્કમ ડગલું.

નવી દિલ્હી, તા.15: વડાપ્રધાન નરેન્દ્ર મોદીની અધ્યક્ષતામાં મળેલી કેન્દ્રીય મંત્રીમંડળની બેઠકમાં દેશના ટેકનોલોજી ક્ષેત્રના ભવિષ્યને સુરક્ષિત કરવા માટે એક ઐતિહાસિક નિર્ણય લેવામાં આવ્યો છે. સરકારે 'ઇન્ડિયા સેમિકન્ડક્ટર મિશન 2.0' (ISM 2.0) ને મંજૂરી આપવાની સાથે તેના માટે ₹1.27 લાખ કરોડની માતબર રકમની ફાળવણી કરી છે. આ ઉપરાંત, મોબાઈલ ફોન મેન્યુફેક્ચરિંગને પ્રોત્સાહન આપવા માટે ₹62,500 કરોડની અલગ યોજનાને પણ લીલી ઝંડી આપવામાં આવી છે. આ નિર્ણયોનો હેતુ ભારતને વૈશ્વિક સેમિકન્ડક્ટર સપ્લાય ચેઇનનો મહત્વનો ભાગ બનાવવાનો અને સ્થાનિક સ્તરે ઇલેક્ટ્રોનિક્સ મેન્યુફેક્ચરિંગને વેગ આપવાનો છે.

કેન્દ્રીય ઇલેક્ટ્રોનિક્સ અને માહિતી ટેકનોલોજી મંત્રી અશ્વિની વૈષ્ણવે આ નિર્ણયોની જાહેરાત કરતા જણાવ્યું હતું કે, આ પેકેજ 'સેમિકોન 1.0' હેઠળ મળેલી ગતિને વધુ વેગ આપશે. તેમણે વધુમાં જણાવ્યું હતું કે, સરકારે વારાણસીમાં માળખાગત સુવિધાઓ, યુરિયા માટેની રાષ્ટ્રીય રોકાણ નીતિ અને રેલ્વે નેટવર્કના વિસ્તરણ સહિત કુલ 7 મુખ્ય નિર્ણયો લીધા છે, જેનું કુલ પેકેજ અંદાજે ₹2.19 લાખ કરોડનું થાય છે. આ વ્યાપક રોકાણ માત્ર ઉદ્યોગને જ નહીં, પરંતુ રોજગારીની નવી તકો અને આર્થિક વિકાસના નવા દ્વાર ખોલશે.

સેમિકોન 2.0 માટે સરકારે 6-સ્તંભોનો વ્યુહાત્મક રોડમેપ તૈયાર કર્યો છે. જેમાં ચિપ ડિઝાઇન, સેમિકન્ડક્ટર સાધનોનું ઉત્પાદન, નવી ફેબ્રિકેશન યુનિટ્સની સ્થાપના, ATMP (એસેમ્બલી, ટેસ્ટિંગ, માર્કિંગ અને પેકેજિંગ) ક્ષેત્રને મજબૂત બનાવવું, અદ્યતન R&D અને પ્રતિભા વિકાસનો સમાવેશ થાય છે. સરકારે 315 થી વધુ યુનિવર્સિટીઓમાં લગભગ 68,000 વિદ્યાર્થીઓને તાલીમ આપીને આ ક્ષેત્ર માટે કુશળ માનવબળ તૈયાર કરવાની પ્રક્રિયા પણ શરૂ કરી દીધી છે, જે ભવિષ્યમાં ભારતને સેમિકન્ડક્ટર ડિઝાઇન IP માં અગ્રેસર બનાવશે.

અગાઉના સેમિકોન 1.0 હેઠળ 12 ઉત્પાદન એકમોને મંજૂરી મળી ચૂકી છે, જેમાં માઇક્રોન, કેન્સ અને સીજી સેમી જેવા નામો સામેલ છે, જેમણે ઉત્પાદન શરૂ પણ કરી દીધું છે. ભારતનો પહેલો ફેબ્રિકેશન પ્લાન્ટ 2028 સુધીમાં કાર્યરત થવાની અપેક્ષા છે. આ તમામ પ્રયાસો દર્શાવે છે કે સરકાર હવે માત્ર ચિપ્સ આયાત કરવાને બદલે, ભારતમાં જ અત્યાધુનિક ચિપ્સ બનાવવાની ક્ષમતા કેળવવા માટે કટિબદ્ધ છે. સેમિકન્ડક્ટર અને ઇલેક્ટ્રોનિક્સ ક્ષેત્રે ભારતની આ તૈયારીઓ આવનારા દાયકાઓમાં દેશને ટેકનોલોજી ક્ષેત્રે વિશ્વની મહાસત્તા બનાવવાની દિશામાં એક મોટું પગલું છે.