તા. ૧૨ નવેમ્બર ર૦ર૬ વિક્રમ સંવત ર૦૮૩ કારતક સુદ – ૩ ગુરૂવાર
અમેરિકી ચૂંટણીમાં ભારતીયોનો દબદબોઃ ૫૭ ઉમેદવારો મેદાનમાં
ગવર્નરથી લઈને મેયર સુધીની રેસમાં આપશે ટક્કર
ઓહાયો,તા.૦૨: અમેરિકાની રાજનીતિમાં આ વખતે ભારતીય મૂળના ઉમેદવારોની ઉપસ્થિતિ ખાસ ચર્ચામાં છે. ચૂંટણી મુકાબલો માત્ર રિપબ્લિકન અને ડેમોક્રેટિક પાર્ટીઓ વચ્ચે નહીં, પરંતુ ભારતીય-અમેરિકી સમુદાયની વધતી રાજકીય તાકાતની પરીક્ષા થવા જઈ રહી છે. ૩ નવેમ્બરે યોજાનાર મધ્યસત્ર ચૂંટણીમાં ભારતીય મૂળના કુલ ૫૭ ઉમેદવાર અલગ-અલગ પદ માટે પોતાનું ભાગ્ય અજમાવશે. તેમાં ગવર્નર, સીનેટર, સાંસદથી લઈને સ્થાનિક સંસ્થાઓના પદ સામેલ છે.
૨૨ રાજ્યોમાં ૩૬ ભારતીય મૂળના ઉમેદવાર રાજ્ય વિધાનસભાઓ માટે ચૂંટણી લડી રહ્યાં છે. કેલિફોર્નિયા, ઇલિનોય અને ન્યૂયોર્કમાં સૌથી વધુ ઉમેદવાર છે. આ ચૂંટણી દ્વારા ભારતીય-અમેરિકી સમુદાયની રાજનીતિક ભાગીદારી અને પ્રતિનિધિત્વની એક નવી તસવીર સામે આવી શકે છે. જોકે અંતિમ નિર્ણય અમેરિકી મતદાતાઓના હાથમાં હશે.
ઓહાયોમાં ગવર્નર પદ માટે ચૂંટણી લડી રહેલા વિવેક રામાસ્વામીથી લઈને લોસ એન્જલસમાં મેયર પદના દાવેદાર નિત્યા રકમ સુધી, ઘણા મોટા ચહેરા ચૂંટણી મુકાબલામાં સામેલ છે. આ ચૂંટણીના પરિણામ તે પણ દર્શાવશે કે અમેરિકી મતદાતાઓ વચ્ચે ભારતીય મૂળના નેતાઓની સ્વીકાર્યતા ક્યા સ્તર સુધી પહોંચે છે. આઈએએનએસ તરફથી દેશભરના ઉમેદવારોની એકત્ર કરવામાં આવેલી જાણકારી પ્રમાણે આ ૫૭ ઉમેદવારોમાંથી એક ઉમેદવાર સીનેટ, ૧૧ પ્રતિનિધિ સભા, ત્રણ રાજ્યવ્યાપી પદો, ૩૬ રાજ્ય વિધાનમંડળ અને ૬ સ્થાનિક પદ માટે ચૂંટણી લડી રહ્યાં છે. આ યાદીમાં માત્ર તે લોકોને સામેલ કરવામાં આવ્યા છે, જેની ભારતીય મૂળની ઓળખની પુષ્ટિ થઈ છે. આ સિવાય ૧૫ સંભવિત ઉમેદવાર એવા પણ છે, જેની ઓળખની પુષ્ટિ થઈ શકી નથી.
ઓહાયોમાં રિપબ્લિકન ઉમેદવાર વિવેક રામાસ્વામીનો મુકાબલો ડેમોક્રેટિક ઉમેદવાર એમી એક્ટન સાથે છે. તો લોસ એન્જલસમાં નિત્યા રતમ વર્તમાન મેયર કરેન બાસને પડકાર આવી રહ્યાં છે. બંને મુકાબલા પર રાજકીય વિશ્લેષકો અને મતદાતાઓની નજર બનેલી છે. ન્યૂયોર્કમાં સરિતા કોમાટિરેડ્ડી એટોર્ની જનરલ લેટિટિયા જેમ્સ વિરુદ્ધ ચૂંટણી લડી રહી છે. મેરીલેન્ડમાં લેફિટનેન્ટ ગવર્નર અરૂણા મિલર પણ બીજીવાર જીત હાસિલ કરવાના પ્રયાસમાં છે. તો મેસેચ્યુસેટ્સમાં શિવા અય્યારુદરઈ અપક્ષ ઉમેદવાર તરીકે સીનેટ ચૂંટણીમાં ઉતર્યા છે. પ્રતિનિધિ સભા ચૂંટણીમાં રો ખન્ના, અમી બેરા, પ્રમિલા જયપાલ અને સુહાસ સુબ્રમણ્યમ જેવા વર્તમાન સાંસદ પણ પોતાની સીટ બચાવવા માટે મેદાનમાં છે. કેટલીક સીટો પર ભારતીય મૂળના ઉમેદવારો વચ્ચે સીધો મુકાબલો જોવા મળશે.
(3:20 PM IST)
છેલ્લા 8 દિવસમાં સૌથી લોકપ્રિય 
