ઈરાનની ઇસ્લામિક રિવોલ્યુશનરી ગાર્ડ કોર્પ્સ (IRGC)એ દાવો કર્યો છે કે તેણે ઉત્તરી ઇરાકમાં અમેરિકા અને ઇઝરાયેલ સમર્થિત આતંકવાદી જૂથોને નિશાન બનાવ્યા છે.

IRGCના હમઝેહ સૈયદ અલ-શુહદા કમાન્ડે કહ્યું કે આ જૂથો મોટી સંખ્યામાં અમેરિકી હથિયારો અને દારૂગોળો ઈરાનમાં દાણચોરી કરવાનો પ્રયાસ કરી રહ્યા હતા.ઈરાની સમાચાર એજન્સી ફાર્સ અનુસાર, આ કાર્યવાહી કુર્દિસ્તાન પ્રાંતમાં કરવામાં આવી હતી. IRGCએ દાવો કર્યો કે મોટી માત્રામાં હથિયારો અને દારૂગોળો જપ્ત કરવામાં આવ્યા છે.

જોકે, આ દાવા પર હજુ સુધી અમેરિકા, ઇઝરાયેલ કે ઇરાક તરફથી કોઈ સત્તાવાર પ્રતિક્રિયા આવી નથી.