ઈરાને કુવૈતમાં યુએસ લશ્કરી મથક પર મિસાઈલ અને ડ્રોન હુમલા કરવાનો દાવો કર્યો છે. ઈરાનનું કહેવું છે કે આ કાર્યવાહી દક્ષિણ ઈરાન પર રાત્રે થયેલા અમેરિકાના હુમલાના જવાબમાં કરવામાં આવી હતી. 

  ઈરાનના મતે, આ હુમલામાં કુવૈતમાં અમેરિકન સૈનિકો અને અમેરિકન લશ્કરી રડાર સિસ્ટમને નિશાન બનાવવામાં આવી હતી. હુમલા બાદ કુવૈતે તેની હવાઈ સંરક્ષણ પ્રણાલીઓને સક્રિય કરી છે . ઈરાનનો આરોપ છે કે અમેરિકાએ દક્ષિણ ઈરાન પર હુમલા કરવા માટે કુવૈતી પ્રદેશનો ઉપયોગ કર્યો હતો. જો અમેરિકાના હુમલા ચાલુ રહેશે તો તેહરાને વધુ બદલો લેવાની ચેતવણી આપી છે.