તેલઅવિવ: મધ્ય પૂર્વના તંગદિલીભર્યા માહોલ વચ્ચે મોટા સમાચાર બહાર આવ્યા છે.

સ્વિટ્ઝરલેન્ડમાં ચાલી રહેલી મંત્રણા પૂર્ણ કરીને ઈરાની પ્રતિનિધિમંડળ રવાના થઈ ગયું છે. આ વાટાઘાટોમાં ઈરાને મોટી સફળતા મળી હોવાનો દાવો કર્યો છે.

તેમના અહેવાલ મુજબ, ભારે દબાણને વશ થઈને ઈઝરાયેલ આખરે લેબનોનના કેટલાક વિસ્તારોમાંથી પોતાની સેના આંશિક રીતે પાછળ હટાવવા માટે સંમત થવા મજબૂર થયું છે.

એટલું જ નહીં, ખાલી કરાયેલા આ વિસ્તારોનો સંપૂર્ણ કબજો અને સુરક્ષા વ્યવસ્થા 'લેબનીઝ આર્મી' (લેબનોનની સત્તાવાર સેના) ને સોંપી દેવાની પણ સમજૂતી થઈ છે.