તા. ૧૨ નવેમ્બર ર૦ર૬ વિક્રમ સંવત ર૦૮૩ કારતક સુદ – ૩ ગુરૂવાર
ચીન ૨૦૦૮ જેવી પરિસ્થિતિ ભણી? અર્થતંત્ર તૂટી પડવાનો ભય
ચીન યુનાઇટેડ સ્ટેટ્સ પછી વિશ્વનું બીજું સૌથી મોટું અર્થતંત્રઃ ચીનમાં રિયલ એસ્ટેટ કટોકટી સતત વધી રહી છે
નવી દિલ્હી,તા.૨૭: ચીનમાં રિયલ એસ્ટેટ કટોકટી સતત વધી રહી છે. આનાથી દેશની સમગ્ર અર્થવ્યવસ્થા માટે ખતરો ઉભો થયો છે, અને દેશમાં ૨૦૦૮ જેવી પરિસ્થિતિ ઉભરી રહી છે. ગયા વર્ષની સરખામણીમાં આ વર્ષના પ્રથમ નવ મહિનામાં ચીનમાં મિલકત રોકાણમાં ૨૧્રુનો ઘટાડો થયો છે. વર્ષના આ સમયગાળા માટે આ સૌથી મોટો ઘટાડો છે. ચીનમાં રિયલ એસ્ટેટ કટોકટી ૨૦૨૧ માં શરૂ થઈ હતી અને ત્યારથી તે સતત બગડી રહી છે.
આ સ્થિતિ ૨૦૨૬ ના પહેલા આઠ મહિનામાં નોંધાયેલા ૨૦% ઘટાડા કરતા પણ ખરાબ છે. આ તાજેતરનો ઘટાડો ૨૦૨૦ ના રોગચાળા દરમિયાન નોંધાયેલા ૧૬્રુ ઘટાડા કરતા પણ વધુ છે. ૨૦૨૨ થી ચીનમાં મિલકત રોકાણ માસિક ધોરણે ઘટી રહ્યું છે, જે અત્યાર સુધીનો સૌથી લાંબો સતત ઘટાડો દર્શાવે છે. ૨૦૦૮ ના નાણાકીય કટોકટી દરમિયાન પણ, આ આંકડો ક્યારેય ૅ૧% વાર્ષિક વૃદ્ધિથી નીચે આવ્યો નથી.ચીનના રિયલ એસ્ટેટ ક્ષેત્રે ઐતિહાસિક મંદીનો અનુભવ થઈ રહ્યો છે. S&P ગ્લોબલ રેટિગ્સના અહેવાલ મુજબ, ૨૦૨૮ ના ત્રીજા ક્વાર્ટરમાં રહેણાંક રિયલ એસ્ટેટના ભાવ તેમના સૌથી નીચા સ્તરે પહોંચી શકે છે. તેમાં એમ પણ કહેવામાં આવ્યું છે કે બેઇજિગ અને શાંઘાઈ જેવા ચીનના સૌથી મોટા શહેરોમાં ભાવ આવતા વર્ષ સુધીમાં જ સુધરવાની શક્યતા છે. ચીનના અર્થતંત્રમાં રિયલ એસ્ટેટ ક્ષેત્ર મુખ્ય ભૂમિકા ભજવે છે. આ જ કારણ છે કે આ કટોકટી ચીન અને બાકીના વિશ્વ માટે વધુને વધુ ગંભીર બની રહી છે. ૧૯૯૦ ના દાયકામાં જાપાનમાં આવી જ કટોકટી શરૂ થઈ હતી અને તેમાંથી બહાર નીકળવામાં વર્ષો લાગ્યા હતા. નિષ્ણાતો કહે છે કે ચીન પણ આવી જ કટોકટીનો સામનો કરી શકે છે. ચીનનું રિયલ એસ્ટેટ ક્ષેત્ર ૨૦૨૧ થી સંઘર્ષ કરી રહ્યું છે, જ્યારે એવરગ્રાન્ડે તેના દેવા પર ડિફોલ્ટ કર્યું.ત્યારબાદ ઘણી કંપનીઓને અસર થઈ. આ કટોકટીએ ઘર ખરીદનારાઓ, રોકાણકારો અને કંપનીઓના વિશ્વાસને ભારે હચમચાવી નાખ્યો છે. સરકારે આ ક્ષેત્રને બચાવવા માટે ઘણા પગલાં લીધાં છે, પરંતુ અત્યાર સુધી તે બિનઅસરકારક રહ્યા છે. રિયલ એસ્ટેટ ક્ષેત્રના પતનથી બેંકિગ ક્ષેત્રને પણ નુકસાન થઈ શકે છે. બેંકોએ રિયલ એસ્ટેટ ક્ષેત્રને નોંધપાત્ર લોન આપી છે, જે ડિફોલ્ટ થવાના જોખમમાં છે. આ જ કારણ છે કે ચીનની પરિસ્થિતિ વિશ્વ માટે ચિતાનો વિષય છે.
(3:56 PM IST)
છેલ્લા 8 દિવસમાં સૌથી લોકપ્રિય 
