રાંચી-સુંદરગઢ તા.૨૭ : ઝારખંડ અને તેને અડીને આવેલા ઓડિશાના સુંદરગઢ જિલ્લામાંથી કરમા ઉત્સવ દરમિયાન સામૂહિક દુષ્કર્મની બે અલગ અલગ ઘટનાઓ સામે આવતા ચકચાર મચી છે.

મળતી માહિતી મુજબ, ઓડિશાના સુંદરગઢના બિરમિત્રાપુર વિસ્તારમાં કરમા પૂજામાંથી પરત ફરી રહેલી બે સગીર યુવતીઓને કેટલાક યુવકોએ જંગલ વિસ્તારમાં આંતરી દુષ્કર્મ આચર્યું હોવાનો આક્ષેપ છે. ઘટના બાદ આરોપીઓએ યુવતીઓને ધમકી આપી ત્યાંથી ભાગી ગયા હતા. પરિવારે ફરિયાદ નોંધાવતા પોલીસે 5 શકમંદોની અટકાયત કરી તપાસ શરૂ કરી છે.

બીજી તરફ ઝારખંડના ગુમલા જિલ્લામાં 13 વર્ષની સગીરા સાથે ગેંગરેપ બાદ માર મારવાની ઘટનામાં સારવાર દરમિયાન રાંચીની RIMS હોસ્પિટલમાં તેનું મોત થયું હોવાના અહેવાલ પણ સામે આવ્યા છે. પોલીસે આ મામલે FIR નોંધી મેડિકલ બોર્ડ દ્વારા પોસ્ટમોર્ટમ કરાવવાનો નિર્ણય લીધો છે.

બંને કેસમાં પોલીસે CCTV ફૂટેજ અને સ્થાનિક લોકોની પૂછપરછ આધારે તપાસ તેજ કરી છે.