બેઇજિંગ તા.૧૬: ભારતમાં આયોજિત ૧૮મી બ્રિક્‍સ (BRICS) શિખર પરિષદમાં ભાગ લીધા પછી ચીન પરત ફરેલા રાષ્ટ્રપતિ શી જિનપિગને લઈને સોશિયલ મીડિયા અને કેટલાક અનૌપચારિક મીડિયા વર્તુળોમાં ભારે હોબાળો મચી ગયો છે. પ્રત્‍યક્ષદર્શીઓ અને અજ્ઞાત સૂત્રોને ટાંકીને એવો દાવો કરવામાં આવી રહ્યો છે કે બેઇજિંગ એરપોર્ટ પહોંચતાં જ શી જિનપિંગને તાત્‍કાલિક એક સૈન્‍ય હેલિકોપ્‍ટર દ્વારા ૩૦૧ મિલિટરી હોસ્‍પિટલ(PLA જનરલ હોસ્‍પિટલ) લઈ જવામાં આવ્‍યા હતા, જ્‍યાં તેમની ઇમરજન્‍સી સારવાર ચાલી રહી છે.

ચાઇના ડેમોક્રેસી પાર્ટી (CDP) ના ચેરમેન વાનજુન શી (Wanjun Xie) એ એક્‍સ પર એક લાંબી પોસ્‍ટમાં આ અંગે વિગતવાર માહિતી આપી છે. તેમણે લખ્‍યું પ્રત્‍યક્ષદર્શીઓના જણાવ્‍યા મુજબ, શી જિનપિંગ ભારતથી ચીન પરત ફર્યા પછી, તેમનું વિમાન બેઇજિગ એરપોર્ટ પર ઉતર્યું અને તેમને વિમાનમાંથી ઉતારીને સીધા લશ્‍કરી હેલિકોપ્‍ટરમાં લઈ જવામાં આવ્‍યા. ત્‍યારબાદ તેમને તાત્‍કાલિક સારવાર માટે બેઇજિગ ૩૦૧ હોસ્‍પિટલ પહોંચાડવામાં આવ્‍યા.

અગાઉ, જ્‍યારે પણ શી જિનપિંગ વિદેશથી બેઇજિગ પરત આવતા હતા, ત્‍યારે એરપોર્ટ પર મોટી સંખ્‍યામાં અધિકારીઓ તેમનું સ્‍વાગત કરતા હતા અને કાર દ્વારા તેમના ઝોંગનાનહાઈ (પરત ફરતા પહેલાં રસ્‍તાઓ અસ્‍થાયી રૂપે બંધ કરી દેવામાં આવતા હતા. જોકે, આ વખતે જ્‍યારે શી જિનપિગ બેઇજિંગ એરપોર્ટ પહોંચ્‍યા, ત્‍યારે ન તો તેમનું સ્‍વાગત કરવા મોટી સંખ્‍યામાં અધિકારીઓ હાજર હતા, ન કોઈ સ્‍વાગત સમારોહ યોજાયો, ન કોઈ ભવ્‍ય કાફલો હતો અને ન તો રસ્‍તાઓ અસ્‍થાયી રૂપે બંધ કરવામાં આવ્‍યા હતા.

બેઇજિંગ એરપોર્ટ પર શી જિનપિગના આગમન સમયનું દ્રશ્‍ય ત્રણ બાબતો દર્શાવે છે પહેલું, શીની હાલત અત્‍યંત ગંભીર છે.

બીજું, બેઇજિંગના સત્તાધીશો દ્વારા એરપોર્ટ પર મોટી સંખ્‍યામાં અધિકારીઓ અને સ્‍વાગત કર્મચારીઓને તૈનાત ન કરવાનો નિર્ણય, શીની ગંભીર બીમારીના સમાચારને સખત રીતે નિયંત્રિત કરવાનો પ્રયાસ છે.

ત્રીજું, શી જિનપિંગની સુરક્ષાની જવાબદારી સેનાએ પોતાના હાથમાં લઈ લીધી છે.(૩૮.૧૬)