રાષ્ટ્રીય રાજધાની દિલ્હી અને તેની આસપાસના વિસ્તારોમાં સર્જાયેલા ખરાબ હવામાનના કારણે કર્ણાટકના મુખ્યમંત્રી સિદ્ધારમૈયાના વિમાનનું જયપુર એરપોર્ટ પર ઈમરજન્સી લેન્ડિંગ કરાવવું પડ્યું હતું. વિમાન દિલ્હી જવાને બદલે રાજસ્થાનના જયપુરમાં ઉતરતા જ કોંગ્રેસના વરિષ્ઠ નેતાઓ એક્શનમાં આવ્યા હતા. રાજસ્થાનના પૂર્વ મુખ્યમંત્રી અશોક ગેહલોત અને કોંગ્રેસના રાષ્ટ્રીય મહાસચિવ રણદીપ સિંહ સુરજેવાલા તાબડતોબ જયપુર એરપોર્ટ પર પહોંચ્યા હતા અને ત્યાં જ કર્ણાટકના મુખ્યમંત્રી સિદ્ધારમૈયા સાથે એક મહત્વની મુલાકાત કરી રાજકીય ચર્ચા-વિચારણાઓ હાથ ધરી હતી.