તેહરાન,તા.૦૬: ઈરાનના ભૂતપૂર્વ સુપ્રીમ લીડર આયાતુલ્‍લાહ અલી ખામેનીની અંતિમયાત્રા સોમવારે સવારે તેહરાનમાં શરૂ થઈ હતી. અંતિમયાત્રામાં જોડાવા માટે લાખો લોકો રસ્‍તાઓ પર એકઠા થયા હતા. ખામેનીના પાર્થિવ શરીરને ગ્રાન્‍ડ મોસલ્‍લાથી અંતિમયાત્રા માટે મોકલવામાં આવ્‍યું હતું. આ શોભાયાત્રા લગભગ ૧૦ કિલોમીટર ચાલશે અને ૧૦ થી ૧૨ કલાક ચાલવાની ધારણા છે. અંતિમયાત્રા પછી, ખામેનીના પાર્થિવ શરીરને વધુ ધાર્મિક વિધિઓ માટે કોમ લઈ જવામાં આવશે. સમગ્ર રૂટ પર કડક સુરક્ષા વ્‍યવસ્‍થા ગોઠવવામાં આવી છે, અને મોટી સંખ્‍યામાં સરકારી અધિકારીઓ, ધાર્મિક નેતાઓ અને વરિષ્ઠ લશ્‍કરી અધિકારીઓ પણ ભાગ લઈ રહ્યા છે.