અમદાવાદ તા.૨૭ :  કેન્દ્રીય ગૃહ અને સહકાર મંત્રી અમિતભાઈ શાહના હસ્તે આજે સાબરમતી રેલવે સ્ટેશનથી દેશની પ્રથમ LNG ટ્રેનને લીલી ઝંડી આપવામાં આવી છે.

સાબરમતીથી દોડનારી આ ટ્રેન દેશની પ્રથમ ડીઝલ + LNG ડ્યુઅલ ફ્યુઅલ સિસ્ટમ પર ચાલનારી ટ્રેન છે. તેનાથી રેલવેને વાર્ષિક લાખો રૂપિયાની બચત થશે અને પ્રદૂષણ પણ ઘટશે.

આ સાથે જ અમિતભાઈ શાહે સાબરમતી ખાતે ₹1542 કરોડથી વધુના રેલવે પ્રોજેક્ટ્સનું લોકાર્પણ અને ખાતમુહૂર્ત કર્યું હતું, જેમાં ₹700 કરોડનો WAG-12 લોકો શેડ અને 404 કિમી સુધી કવચ સિસ્ટમનો સમાવેશ થાય છે.