લેબનોનના રફિક હરીરી એરપોર્ટ પર લાગેલી ડિજિટલ સ્‍ક્રીનો હેક કરીને હિઝબુલ્‍લાહ વિરુદ્ધ ઉગ્ર સંદેશાઓ પ્રદર્શિત કરવામાં આવ્‍યા હતા. આ સંદેશામાં સ્‍પષ્ટ જણાવાયું હતું કે એરપોર્ટ કોઈના બાપની જાગીર નથી અને હિઝબુલ્‍લાહ પોતાના હથિયારોની હેરફેર માટે આ જનસુવિધાનો ઉપયોગ કરવાનું બંધ કરે. લેબનોનના નાગરિકો વતી અપાયેલી આ ચેતવણીમાં કહેવામાં આવ્‍યું છે કે જો હસન નસરાલ્‍લાહ લેબનોનને યુદ્ધમાં ધકેલશે તો તેના ગંભીર પરિણામો ભોગવવા પડશે.