નવી દિલ્હી : મુખ્ય ચૂંટણી કમિશનર જ્ઞાનેશકુમાર વિરુદ્ધ વિરોધનો વંટોળ ફૂંકાઈ રહ્યો છે વિપક્ષી ગઠબંધને ચૂંટણી પંચની મનમાની વિરુદ્ધ કાર્યક્રમો આપવા એલાન કર્યું છે આ દરમિયાન પશ્ચિમ બંગાળ એકમના સચિવ મોહમ્મદ સલીમે બુધવારે જણાવ્યું હતું કે, ભારતીય કમ્યુનિસ્ટ પાર્ટી (માર્ક્સવાદી) (CPI-M) 2 ઓક્ટોબરે અહીં વિરોધ રેલીનું આયોજન કરશે, જેમાં જ્ઞાનેશ કુમારને મુખ્ય ચૂંટણી કમિશનર (CEC) પદેથી દૂર કરવા અને મતદાર યાદીઓની સ્પેશિયલ ઇન્ટેન્સિવ રિવિઝન (SIR) પ્રક્રિયા તાત્કાલિક બંધ કરવાની માંગ કરવામાં આવશે.