મુંબઈ: ભારતીય જીવન વીમા નિગમ (LIC) મધ્યમ વર્ગના પરિવારો માટે સમયાંતરે અનેક ફાયદાકારક યોજનાઓ લાવતું રહે છે. જો તમે પણ નાની બચત દ્વારા ભવિષ્ય માટે મોટું ભંડોળ એકઠું કરવા ઈચ્છતા હોવ, તો LICની 'ન્યુ જીવન આનંદ' (New Jeevan Anand Policy) એક ઉત્તમ વિકલ્પ સાબિત થઈ શકે છે. આ સ્કીમની સૌથી મોટી ખાસિયત એ છે કે તે રોકાણકારને બચતની સાથે સાથે જીવનભરનું વીમા કવચ પણ પૂરું પાડે છે.
આ યોજનાના ગણિત મુજબ, જો કોઈ વ્યક્તિ દરરોજ આશરે ₹45 (મહિને ₹1300 થી ₹1400) ની બચત કરે અને તેને લાંબા ગાળા માટે એટલે કે 30 થી 35 વર્ષ સુધી જાળવી રાખે, તો મેચ્યોરિટી સમયે તેને ₹25 લાખ કે તેથી વધુની રકમ મળી શકે છે. આ રકમ પોલિસીની અવધિ, વ્યક્તિની ઉંમર અને LIC દ્વારા અપાતા બોનસ પર આધારિત હોય છે. લાંબા ગાળે આ નાની બચત એક મોટા ભંડોળમાં પરિવર્તિત થઈ જાય છે.
'ન્યુ જીવન આનંદ' પોલિસી અન્ય એન્ડોમેન્ટ પ્લાન કરતા અલગ છે, કારણ કે તેમાં મેચ્યોરિટીની રકમ મળી ગયા પછી પણ પોલિસીધારકનું વીમા કવચ ચાલુ રહે છે. એટલે કે, પોલિસી પૂરી થયા બાદ પણ જીવનભરનું રિસ્ક કવર મળે છે, જે પરિવારને આર્થિક સુરક્ષા પ્રદાન કરે છે. આ ઉપરાંત, આ યોજનામાં સમયાંતરે બોનસનો લાભ પણ મળે છે, જે મેચ્યોરિટીના નાણાંમાં નોંધપાત્ર વધારો કરે છે.
આ સ્કીમ સુરક્ષિત અને ગેરન્ટેડ રિટર્ન ઈચ્છતા લોકો માટે વરદાન સમાન છે. આ પોલિસી ધારકો જરૂરિયાતના સમયે લોન પણ મેળવી શકે છે. જો તમે પણ જોખમ લીધા વગર લાંબા ગાળા માટે સુરક્ષિત રોકાણ કરવા માંગતા હોવ, તો LICની આ શાનદાર સ્કીમ તમારા માટે 'લાઈફ ટાઈમ' ફાયદાનો સોદો સાબિત થઈ શકે તેમ છે.