નવી દિલ્હી : છુક-છુક કરતી ટ્રેન, ચહેરા સાથે અથડાતી ઠંડી હવા અને બારીની બહાર પાછળ છૂટતા સુંદર નજારાઓ... ટ્રેનની સફરનો સાચો રોમાંચ તો આ વિન્ડો સીટ પર બેસીને જ મળે છે! મુસાફરી નાની હોય કે મોટી, દરેક મુસાફરની માત્ર એક જ ઈચ્છા હોય છે કે તેને ટિકિટ બુકિંગ કરતી વખતે બારીવાળી સીટ જ મળે. ઘણીવાર આપણે એવું માની લઈએ છીએ કે વિન્ડો સીટ મળવી એ માત્ર નસીબની વાત છે, પરંતુ શું તમે જાણો છો કે તેના માટે કોઈ અકસ્માત કે કિસ્મત નહીં, પરંતુ ભારતીય રેલવેનું એક ખાસ ગાણિતિક ફોર્મ્યુલા કામ કરે છે?

મોટાભાગના લોકોને રેલવેના આ નિયમ વિશે કોઈ જ ખબર નથી હોતી. જ્યારે આપણે ટિકિટ બુક કરીએ છીએ ત્યારે સિસ્ટમ અમુક ચોક્કસ કોડ અને અલ્ગોરિધમ અનુસાર સીટો ફાળવતી હોય છે. જો તમને ટ્રેનમાં સફર કરતી વખતે હંમેશાં વિન્ડો સીટ મેળવવાનો શોખ હોય, તો તમારે ટિકિટ બુક કરતી સમયે કેટલાક ખાસ નિયમો અને કોચની સીટ મેપિંગ પદ્ધતિને સમજવી ખૂબ જરૂરી છે.

રેલવેનું આ ખાસ અલ્ગોરિધમ કેવી રીતે કરે છે કામ?

ભારતીય રેલવેના કોચમાં બર્થની રચના એવી રીતે કરવામાં આવે છે કે લોઅર, મિડલ, અપર, સાઇડ લોઅર અને સાઇડ અપર બર્થમાં વિન્ડો સીટ (ખાસ કરીને લોઅર અને સાઇડ લોઅર) ચોક્કસ ક્રમમાં હોય છે. જો તમે ટિકિટ બુક કરાવતી વખતે 'બુક ઓન્લી ઇફ કન્ફર્મ બર્થસ આર એલૉટેડ' નો વિકલ્પ પસંદ કરો અને સાથે જ જો પ્રીફર્ડ બર્થમાં 'વિન્ડો સીટ' અથવા 'લોઅર બર્થ' નો ચોક્કસ આગ્રહ રાખો, તો તમારી વિન્ડો સીટ મળવાની સંભાવના અનેકગણી વધી જાય છે. આ નાની ટ્રીક અપનાવીને આગામી સમયમાં જ્યારે પણ તમે ટ્રેન પ્રવાસ કરશો, ત્યારે તમારી મનપસંદ બારીવાળી સીટ મેળવવાની મુસાફરી ખૂબ જ રોમાંચક બની જશે.