તા. ૧૨ નવેમ્બર ર૦ર૬ વિક્રમ સંવત ર૦૮૩ કારતક સુદ – ૩ ગુરૂવાર
મહારાષ્ટ્ર જૈન લઘુમતી વિકાસ નાણાકીય નિગમ અને રાષ્ટ્રીય લઘુમતી નાણાકીય નિગમ વચ્ચે કરારઃ ૧૦૦ કરોડની સહાય મળશે
નવી દિલ્હીમાં મહત્વપૂર્ણ એમઓયુ પર હસ્તાક્ષર
નવી દિલ્હીઃ મહારાષ્ટ્ર સરકારના જૈન લઘુમતી વિકાસ નાણાકીય નિગમ' અને ભારત સરકારના ‘રાષ્ટ્રીય લઘુમતી વિકાસ અને નાણાકીય નિગમ (NMDFC)' વચ્ચે આજે એક મહત્વપૂર્ણ સમજૂતી કરાર (MoU) પર હસ્તાક્ષર કરવામાં આવ્યા.
આ કરાર હેઠળ, મહારાષ્ટ્રના જૈન સમુદાયના વિદ્યાર્થીઓને ઉચ્ચ શિક્ષણ માટે શૈક્ષણિક લોન આપવામાં આવશે અને યુવા ઉદ્યોગસાહસિકોને સ્વરોજગાર અને ઉદ્યોગો સ્થાપવા માટે નાણાકીય સહાય પૂરી પાડવામાં આવશે.
મહારાષ્ટ્ર સરકારના જૈન લઘુમતી વિકાસ નાણાં નિગમને રૂ.૧૦૦ કરોડની નાણાકીય સહાય પૂરી પાડવામાં આવશે, એમ અધ્યક્ષ (રાજ્યમંત્રી) લલિત ગાંધીએ જણાવ્યું હતું. આ પ્રસંગે, જૈન લઘુમતી વિકાસ નાણાકીય નિગમના ચેરમેન લલિત ગાંધી અને મેનેજિંગ ડિરેક્ટર મેઘના શિંદે અને રાષ્ટ્રીય લઘુમતી વિકાસ અને નાણાકીય નિગમના જનરલ મેનેજર અનિલ કુમારે કોર્પોરેશનના ચેરમેન અને મેનેજિંગ ડિરેક્ટર આભા રાણી સિંહની હાજરીમાં એમઓયુ પર હસ્તાક્ષર કર્યા હતા.
આ કાર્યક્રમમાં જૈન લઘુમતી વિકાસ નાણાં નિગમના સંયોજકો સંદીપ ભંડારી, વિકાસ અચ્છા, વિપિન જૈન અને રાષ્ટ્રીય લઘુમતી વિકાસ અને નાણાં નિગમના જીએમ (નાણા) કુમાર સુદેશ, જીએમ (આયોજન) નિક્સન માથુર, જીએમ (એકાઉન્ટ્સ) મનોજ પુનિયા અને ડીજીએમ પી.એસ. પૌનીકર પણ હાજર રહ્યા હતા.
(2:55 PM IST)
છેલ્લા 8 દિવસમાં સૌથી લોકપ્રિય 
