નવી દિલ્હી,તા.૨૭: AIની અસર વધુ એક મોટી કંપની પર પડી છે. માઇક્રોસોફટે અમેરિકા, ભારત, બ્રિટન અને કેનેડામાં પોતાના આશરે ૬૦,૦૦૦ કર્મચારીઓને સ્વૈચ્છિક રીતે નોકરી છોડવાનો વિકલ્પ આપ્યો છે. આ ઓફર કંપનીના એવા કર્મચારીઓ માટે છે, જેઓ નિર્ધારિત અનુભવ સ્તર એટલે કે લેવલ ૭૦ અથવા તેનાથી નીચે આવે છે. આ યોજના એટલી મોટી છે કે કંપનીના આશરે ૨૭% કર્મચારીઓ તેના દાયરામાં આવી શકે છે.

કંપનીએ સોમવારે આ સ્વૈચ્છિક એકિઝટ ઓફરની જાહેરાત કરી હતી. આ અંતર્ગત પાત્ર કર્મચારીઓને નોકરી છોડવાનો નિર્ણય લેવા માટે ડિસેમ્બર સુધીનો સમય મળશે. જે કર્મચારીઓ આ ઓફર સ્વીકારશે, તેઓ ૩૧ ડિસેમ્બરે કંપની છોડી દેશે. જોકે, કંપનીએ આ યોજના હેઠળ કેટલા કર્મચારીઓ નોકરી છોડે તે અંગે કોઈ લક્ષ્યાંક નક્કી કર્યો નથી.

માઇક્રોસોફટ દુનિયાભરમાં ડેટા સેન્ટર બનાવવા અને AI સંબંધિત કમ્પ્યુટિગ ક્ષમતા વધારવા માટે મોટા પાયે રોકાણ કરી રહી છે. કંપની Anthropic ±Þõ OpenAI જેવી કંપનીઓને કલાઉડ સેવાઓ પણ પૂરી પાડે છે. AIની વધતી માગને પહોંચી વળવા માટે જરૃરી ઇન્ફ્રાસ્ટ્રકચર તૈયાર કરવું મોંઘું પડી રહ્યું છે. આવી સ્થિતિમાં કંપનીનો ભાર AIમાં રોકાણ ચાલુ રાખવાની સાથે ખર્ચ અને મૂડીનો વધુ સારો ઉપયોગ કરવા પર છે.

માઇક્રોસોફટનાં એકિઝકયુટિવ વાઇસ પ્રેસિડેન્ટ અને ચીફ પીપલ ઑફિસર એમી કોલમેને કર્મચારીઓને મોકલેલા મેમોમાં જણાવ્યું હતું કે સ્વૈચ્છિક એકિઝટ ઓફર કંપનીમાં ફેરફારની પ્રક્રિયાને વધુ લવચીક બનાવવાનો એક ભાગ છે. તેનાથી કર્મચારીઓને તેમની કારકિર્દીનાં આગામી પગલાં અંગે નિર્ણય લેવાનો વિકલ્પ મળશે. આ યોજના આ વર્ષની શરૃઆતમાં શરૃ કરાયેલા સ્વૈચ્છિક નિવૃત્તિ કાર્યક્રમમાંથી કંપનીને મળેલા અનુભવ પર આધારિત છે.

માઇક્રોસોફટે એપ્રિલ ૨૦૨૬માં પ્રથમ વખત અમેરિકાના કેટલાક કર્મચારીઓ માટે સ્વૈચ્છિક નિવૃત્તિ કાર્યક્રમ શરૃ કર્યો હતો. તે સમયે કંપનીના આશરે ૭% અમેરિકન કર્મચારીઓ આ યોજના માટે પાત્ર હતા. જુલાઈમાં કંપનીએ જણાવ્યું હતું કે પાત્ર કર્મચારીઓમાંથી ૩૦% થી વધુ કર્મચારીઓએ આ ઓફર સ્વીકારી હતી.

ત્યાર બાદ જુલાઈમાં માઇક્રોસોફટે ૪,૮૦૦ કર્મચારીઓની છટણી કરવાની યોજનાની પણ જાહેરાત કરી હતી. હવે નવી યોજનાનો વ્યાપ અગાઉની સરખામણીએ મોટો છે. તેમાં વાઇસ પ્રેસિડેન્ટ સ્તર સુધીના કર્મચારીઓનો સમાવેશ થઈ શકે છે, જ્યારે અગાઉની નિવૃત્તિ યોજના સિનિયર ડિરેકટર સ્તર અને તેનાથી નીચેના કર્મચારીઓ માટે હતી.

જોકે, નવી યોજનાને સામાન્ય છટણીથી અલગ સમજવી જરૃરી છે. કંપનીએ પાત્ર કર્મચારીઓને સ્વૈચ્છિક રીતે નોકરી છોડવાનો વિકલ્પ આપ્યો છે. ઉપલબ્ધ માહિતી અનુસાર, માઇક્રોસોફટે આ વખતે કર્મચારીઓની સંખ્યા ઘટાડવા માટે કોઈ ચોક્કસ લક્ષ્યાંક જાહેર કર્યો નથી.

AI ઇન્ફ્રાસ્ટ્રકચર પર મોટા પાયે રોકાણને કારણે મોટી ટેક કંપનીઓના નાણાકીય પ્રદર્શન પર પણ નજર રાખવામાં આવી રહી છે. અહેવાલ અનુસાર, બીજા ત્રિમાસિક ગાળામાં માઇક્રોસોફટનો ફ્રી કેશ ફલો ૧૯.૬૪ અબજ ડોલર રહ્યો હતો. ગયા વર્ષના સમાન ગાળાની સરખામણીએ તેમાં ૨૩્રુનો ઘટાડો થયો હતો. તેની સરખામણીએ કલાઉડ બિઝનેસમાં તેની પ્રતિસ્પર્ધી કંપનીઓ Alphabet અને Amazonએ તે ગાળામાં નકારાત્મક ફ્રી કેશ ફલો નોંધાવ્યો હતો.

માઇક્રોસોફટ બુધવારે તેના ત્રીજા ત્રિમાસિક ગાળાનાં પરિણામો જાહેર કરવાની છે. આવી સ્થિતિમાં રોકાણકારોની નજર કંપનીના નાણાકીય પ્રદર્શન, AI પર થતા ખર્ચ અને આગામી વ્યૂહરચના પર રહેશે. હાલમાં એ સ્પષ્ટ નથી કે સ્વૈચ્છિક એકિઝટ ઓફર હેઠળ કેટલા કર્મચારીઓ નોકરી છોડશે. જોકે, આ પગલું દર્શાવે છે કે AIમાં મોટા પાયે રોકાણના સમયમાં માઇક્રોસોફટ જેવી દિગ્ગજ કંપનીઓ પણ ખર્ચ, કર્મચારીઓ અને બિઝનેસની પ્રાથમિકતાઓ વચ્ચે સંતુલન જાળવવાનો પ્રયાસ કરી રહી છે.