તા. ૧૭ સપ્ટેમ્બર ર૦ર૬ વિક્રમ સંવત ર૦૮૨ ભાદરવા સુદ – ૬ ગુરૂવાર
મધ્ય પૂર્વના યુદ્ધથી ભારતમાં મોંઘવારીનો ભડકો થશે
IMFની ડરામણી ચેતવણી...આર્થિક વૃદ્ધિ ધીમી કરી શકે છે અને જીવનનિર્વાહનો ખર્ચ વધી શકે છે
વોશિંગ્ટન/નવી દિલ્હી,તા.૧૭: જો મિડલ ઈસ્ટ ચાલી રહેલા યુદ્ધના કારણે ઊર્જાની કિમતો લાંબા સમય સુધી ઉંચી રહે છે તો ભારતને નવા ફુગાવાના દબાણનો સામનો કરવો પડી શકે છે, એમ આંતરરાષ્ટ્રીય નાણાકીય ભંડોળ (આઈએમએફ)એ ચેતવણી આપી છે.
ભારતે વૈકલ્પિક બજારોમાંથી ઓઈલ મંગાવીને પોતાની ઓઈલ સપ્લાયને ચાલુ રાખી છે, પરંતુ એજન્સીનો અંદાજ છે કે ઊર્જાની કિમતો લાંબા સમય સુધી ઉંચી રહેવાથી ખર્ચ વધી શકે છે. આર્થિક વૃદ્ધિ ધીમી કરી શકે છે અને જીવનનિર્વાહનો ખર્ચ વધી શકે છે.
આ ચેતવણી આઈએમએફના એશિયા અને પેસિફિક માટેના ઓક્ટોબર ૨૦૨૬ના પ્રાદેશિક, આર્થિક લ્લષ્ટિકોણમાં આપવામાં આવી છે, જે પ્રદેશનો સામનો કરી રહેલા મુખ્ય નુકસાન જોખમોમાં લાંબા સમય સુધી મધ્ય પૂર્વ સંઘર્ષને બતાવે છે.
જોકે ભારત અને કેટલાક અન્ય મોટા એશિયન અર્થતંત્રોએ જોખમને ઓછો કરવા માટે અન્ય મોટા દેશો પાસેથી ઓઈલની આયાત કરી છે. અહેવાલમાં ચેતવણી આપવામાં આવી છે કે સતત ઊર્જાના ભાવ દબાણ સંઘર્ષની આર્થિક અસરને લંબાવી શકે છે.
પુરવઠાસ્ત્રેતોમાં ફેરફારથી ભારત, જાપાન અને કોરિયાને યુદ્ધ પહેલા નોંધાયેલા સ્તરે ક્રૂડ ઓઈલની આયાતના પ્રવાહને પરત લાવવામાં મદદ મળી છે. આઈએમએફનું માનવું છે કે આ ફેરફારે એક કારણ છે કે આ દેશ મિડલ ઈસ્ટની બહારથી પુરવઠો સુરક્ષિત કરવામાં સફળ રહ્યા છે.
રિપોર્ટમાં કહેવામાં આવ્યું છે કે ભારત, જાપાન અને કોરિયા જેવી અન્ય મોટી એશિયન અર્થવ્યવસ્થાઓની મજબૂતી આંશિક રીતે મધ્ય પૂર્વની બહારના વૈકલ્પિક સ્ત્રોતોમાંથી તેલ સુરક્ષિત રીતે સપ્લાયને પ્રતિબિબિત કરે છે. તેમાં ઉમેર્યું હતું કે જૂન મહિનાથી આ દેશોમાં કુલ તેલનો પ્રવાહ યુદ્ધ પહેલાના સ્તરે પાછો ફર્યો છે. રિફાઇન્ડ ઇંધણના ભાવ ખર્ચના દબાણમાં વધારો કરે છે
ઊર્જાના ખર્ચ પર દબાણ તમામ ઉત્પાદનોમાં એકસરખું રહ્યું નથી. યુદ્ધ પછી રિફાઇન્ડ પેટ્રોલિયમ ઉત્પાદનો, ખાસ કરીને ડીઝલ અને જેટ ઇંધણના ભાવમાં ક્રૂડ તેલ કરતાં તીવ્ર વધારો થયો છે. જો આ ખર્ચ ઊંચા રહેશે, તો વ્યવસાયોને પરિવહન અને ઉત્પાદન ખર્ચમાં વધારો થઈ શકે છે, જેની અસર ગ્રાહકો પર પણ પડી શકે છે.
(10:06 AM IST)
છેલ્લા 8 દિવસમાં સૌથી લોકપ્રિય 
