રાંચી,તા.૨૮: એક વાંદરી દારૂની દુકાનમાં ટલ્‍લી થઈને પડી હોય એવો વિડિયો સોશ્‍યલ મીડિયામાં વાઇરલ થયો છે. ઘટના ઝારખંડના રાંચીમાં આવેલી એક દારૂની દુકાનની છે. એમાં એક વાંદરી દારૂની બોટલોના બોક્‍સ પર આરામથી પડેલી જોવા મળે છે. એવું લાગી રહ્યું છે કે એણે નશો કરી લીધો છે. દુકાન ખુલ્‍લી હતી ત્‍યારે જ એક વાંદરી ધીમે-ધીમે કરીને દુકાનમાં ઘૂસી હતી અને પછી એક બોક્‍સ પર આરામથી સૂઈ ગઈ હતી.  કોઈએ એને દારૂ પીતાં જોઈ નહોતી, પરંતુ દાવો થઈ રહ્યો છે કે દારૂના નશાને કારણે જ ધુત થઈને સૂઈ ગઈ હતી. લોકોએ એને ભગાવવાની ખૂબ કોશિશ કરી પણ બહેનબા ટસની મસ થઈ નહોતી રહી.