મુંબઈમાં આકાશી આફત વચ્ચે સિઝનનો બાવન ઇંચ વરસાદ
મુંબઇ તા.૬: મહારાષ્ટ્રના દરિયાકાંઠા સહિત મુંબઈમાં ચોમાસાએ રૌદ્ર સ્વરૂપ ધારણ કર્યું છે. છેલ્લા કેટલાક દિવસોથી પડી રહેલા અત્યંત આક્રમક અને અસાધારણ વરસાદના કારણે મુંબઈમાં ચાલુ મોસમનો કુલ સરેરાશ વરસાદ પર ઇંચે પહોંચ્યો છે. સત્તાવાર આંકડાઓ મુજબ, ૧ જૂન ૨૦૨૬થી શરૂ થયેલી ચોમાસાની સિઝનથી લઈને આજ દિન સુધીમાં મુંબઈના ઉપનગરો અને દક્ષિણ મુંબઈ બંને વિસ્તારોમાં રેકોર્ડબ્રેક વરસાદ ઝીંકાયો છે, જેના કારણે સમગ્ર જનજીવન પ્રભાવિત થયું છે.
પાંચ દિવસના ટૂંકા ગાળામાં જ સાંતાક્રુઝમાં ૬૭૫.૬ મિમિ (૨૬.૬૦ ઇંચ) મેઘતાંડવઃ હવામાન વિભાગના જણાવ્યા અનુસાર, છેલ્લા થોડા દિવસોમાં મુંબઈમાં અતિભારે વરસાદનું જે નવું ચક્ર શરૂ થયું છે તેણે અગાઉના અનેક રેકોર્ડ તોડી નાખ્યા છે. માત્ર ૧ જુલાઈથી ૫ જુલાઈ વચ્ચેના પાંચ દિવસના ટૂંકા ગાળામાં જ મુંબઈના ઉપનગરીય વિસ્તાર સાંતાક્રુઝ ખાતે આﾍર્યજનક રીતે ૬૭૫.૬ મિમિ એટલે કે આશરે ૨૬.૬૦ ઇંચ વરસાદ નોંધાયો છે. આ અસાધારણ આકાશી આફતના કારણે મુંબઈનો સંચિત વરસાદ ખૂબ જ ઝડપથી ૧,૦૦૦ મિમિના આંકડાને વટાવી ગયો છે.
સાંતાક્રુઝ અને કોલાબા વેધશાળાના મોસમી વરસાદના આંકડાઃ આજ તારીખ ૬ જુલાઈ ૨૦૨૬ સુધીમાં મુંબઈના બંને પ્રમુખ કેન્દ્રો પર નોંધાયેલા મોસમી વરસાદની વિગતવાર વિગતો (મિમિ અને ઇંચમાં) નીચે મુજબ છેઃ સાંતાક્રુઝ (મુંબઈ ઉપનગર): ૧ જૂન ૨૦૨૬થી અત્યાર સુધીમાં અંદાજે ૧,૩૧૪.૮ મિમિ એટલે કે રેકોર્ડબ્રેક ૫૧.૭૬ ઇંચ જેટલો માતબર મોસમી વરસાદ નોંધાઈ ચૂક્યો છે. કોલાબા (દક્ષિણ મુંબઈ): દક્ષિણ મુંબઈના દરિયાકાંઠાના વિસ્તારમાં પણ ૧ જૂન ૨૦૨૬થી અત્યાર સુધીમાં કુલ ૧,૨૬૪.૫ મિમિ એટલે કે અંદાજે ૪૯.૭૮ ઇંચ જેટલો ભારે મોસમી વરસાદ પડી ચૂક્યો છે.
છેલ્લા પાંચ દિવસમાં જ સાંતાક્રુઝમાં અસાધારણ ૨૬.૬ ઇંચ વરસાદ ખાબકતાં જળબંબોળની સ્થિતિ : અતિભારે વરસાદની ચેતવણી સાથે આર્થિક પાટનગર આજે પણ ‘રેડ
આજે પણ મુસળધાર વરસાદની સંભાવના રેડ એલર્ટ જાહેર
મુંબઈમાં આભ ફાટવા જેવી સર્જાયેલી સ્થિતિ વચ્ચે મુશ્કેલીઓનો હજુ અંત આવે તેમ લાગતું નથી. હવામાન વિભાગ દ્વારા જાહેર કરાયેલી તાજી ચેતવણી અનુસાર, મુંબઈ અને તેની આસપાસના વિસ્તારોમાં હજુ પણ ભારેથી અતિભારે અને કેટલીક જગ્યાએ અત્યંત ભારે વરસાદ પડવાની સંભાવનાઓ પ્રબળ છે. આ ગંભીર પરિસ્થિતિને ધ્યાનમાં રાખીને વહીવટી તંત્ર દ્વારા મુંબઈને આજે પણ હાઈ સેફટી રેડ એલર્ટ હેઠળ રાખવામાં આવ્યું છે. આપત્તિ વ્યવસ્થાપન તંત્ર અને મ્યુનિસિપલ કોર્પોરેશન દ્વારા નાગરિકોને સાવચેત રહેવા તેમજ બિનજરૂરી બહાર ન નીકળવા તાકીદ કરવામાં આવી છે.
(2:52 PM IST)
છેલ્લા 8 દિવસમાં સૌથી લોકપ્રિય 
