નાના પાટેકરની કરોડોની નેટવર્થ, છતાં જીવન એકદમ સાદું
‘પરિન્દા', ‘ક્રાંતિવીર', ‘અબ તક છપ્પન', ‘વેલકમ' સહિતની ફિલ્મોમાં તેમના અભિનયે તેમને અલગ ઓળખ અપાવી
મુંબઇ તા.૮: બોલિવૂડના દિગ્ગજ અભિનેતા નાના પાટેકર ના નિધનના સમાચારથી ફિલ્મ જગતમાં શોકની લાગણી છે. ૭૫ વર્ષની ઉંમરે તેમના નિધન બાદ ચાહકો તેમના ફિલ્મી સફર ઉપરાંત તેમના અંગત જીવન અને સંપત્તિ વિશે પણ ચર્ચા કરી રહ્યા છે. મીડિયા રિપોર્ટ્સ અનુસાર, વર્ષ ૨૦૨૬માં નાના પાટેકરની અંદાજિત નેટવર્થ લગભગ રૂા.૮૦ કરોડ હતી. જોકે આ આંકડો સત્તાવાર રીતે જાહેર કરાયેલો નથી અને અલગ-અલગ અહેવાલોમાં સંપત્તિના આંકડા અલગ જોવા મળે છે.
નાના પાટેકરે દાયકાઓ સુધી હિન્દી અને મરાઠી સિનેમામાં કામ કર્યું. ‘પરિન્દા', ‘ક્રાંતિવીર', ‘અબ તક છપ્પન', ‘વેલકમ' સહિતની ફિલ્મોમાં તેમના અભિનયે તેમને અલગ ઓળખ અપાવી. તેમની આવકનો મુખ્યસ્ત્રેત ફિલ્મોમાંથી મળતી ફી અને અન્ય વ્યાવસાયિક પ્રોજેક્ટ્સ હોવાનું મીડિયા રિપોર્ટ્સમાં જણાવાયું છે.
કરોડોની સંપત્તિ હોવા છતાં નાના પાટેકર પોતાની સાદગી માટે જાણીતા હતા. રિપોર્ટ્સ અનુસાર તેઓ મુંબઈના અંધેરી વિસ્તારમાં એક ૧ગ્ણ્ધ્ ફલેટમાં રહેતા હતા. આ ઉપરાંત પુણેના ખડકવાસલા નજીક તેમની પાસે આશરે ૨૭ એકરનું ફાર્મહાઉસ હોવાનો પણ અહેવાલ છે. ગોવામાં પણ તેમની મિલકત હોવાનો ઉલ્લેખ મળે છે.
બોલિવૂડના ઘણા સ્ટાર્સની જેમ નાના પાટેકર વૈભવી જીવનશૈલી માટે ચર્ચામાં રહેતા નહોતા. ખેતી અને ગામડાના જીવન સાથે તેમનો ખાસ લગાવ હતો. તેઓ પોતાના ફાર્મહાઉસ પર સાદગીભર્યું જીવન જીવતા હોવાનું અગાઉના અહેવાલોમાં પણ સામે આવ્યું છે.
નાના પાટેકરની ઓળખ માત્ર અભિનેતા તરીકે નહોતી. ખેડૂતો અને ગ્રામ્ય પરિવારોની મદદ માટે તેઓ નામ ફાઉન્ડેશન (Naam Foundation) સાથે પણ જોડાયેલા હતા. તેમની સાદગી અને સમાજસેવાના કારણે ચાહકોમાં તેમની અલગ છબી બની હતી.
નાના પાટેકરની અંદાજિત રૂા.૮૦ કરોડની નેટવર્થ તેમની લાંબી અને સફળ ફિલ્મી કારકિર્દીની ઝલક આપે છે, પરંતુ તેમની સૌથી મોટી ઓળખ તેમની સંપત્તિ નહીં, પરંતુ તેમની અદભૂત એક્ટિંગ, સાદગી અને સામાજિક કામ રહી છે
(10:27 AM IST)
છેલ્લા 8 દિવસમાં સૌથી લોકપ્રિય 
